11.12.13 .. நூற்றாண்டுக்கு ஒரு முறை வரும் தேதி என்பதால் இந்தத் தேதியை உலகமே விசேஷ தினமாகக் கொண்டாடி வருகிறது. ஆர்யாவும் இந்தத் தேதியை வாழ்நாளில் மறக்கமுடியாது. காரணம் இன்றுதான் அவர் பிறந்த தேதி.
இந்த ஆண்டு அடுத்தடுத்து ராஜா ராணி, ஆரம்பம், இரண்டாம் உலகம் என மூன்று படங்களி்ல் நடித்திருந்தார் ஆர்யா.
பிறந்த நாள் என்பதற்காக லீவு போட்டு விட்டு கேக் வெட்டிக் கொண்டிருக்காமல், மகிழ் திருமேனி இயக்கும் மீகாமன் படத்தில் நடிக்கப் போய்விட்டார் ஆர்யா. (பார்ட்டியெல்லாம் சாயங்காலம்தானாம்!)
வரும் நாட்களிலும் ஆர்யாவுக்கு பெரிய படங்கள் காத்திருக்கின்றன.
அடுத்து அவர் எஸ்பி ஜனநாதன் இயக்கும் படத்திலும், அதன் பிறகு தனது ஆஸ்தான இயக்குநர் எம் ராஜேஷ் இயக்கத்திலும் நடிக்கிறார்.
இதே பரபரப்பு, பிஸியுடன் இனிவரும் ஆண்டுகளிலும் திகழ இன்று பிறந்த நாள் காணும் ஆர்யாவை வாழ்த்துவோம்!
Post a Comment