வயதானாலும் கவுண்டமணியின் நையாண்டியும் நக்கலும் குறையவே இல்லை, என்று 49ஓ படப்பிடிப்பைப் பார்த்த பொதுமக்கள் கமெண்ட் அடித்தனர்.
ஜீரோ ரூல்ஸ் என்டேர்டைன்மென்ட் தயாரிப்பில் கவுண்டமணி நடிக்கும் புதிய படம் 49ஓ.
திரை உலகில் அன்றும், இன்றும், என்றும் ரசிகர்களை கவர்ந்தவராகத் திகழும் கவுண்டமணி நடிக்கும் 49 ஒ படப்பிடிப்பின் போது நடந்த ஒரு சுவாரஸ்யமான சம்பவம்...
ஒரத்த நாட்டில் இருந்து தஞ்சை நோக்கி போய் கொண்டு இருந்த ஒரு பேருந்துப் பயணிகள், வயல் வெளியில் படப்பிடிப்பு நடப்பதையும், அதில் கவுண்டமணி நடித்து கொண்டு இருப்பதையும் பார்த்து பேருந்து ஓட்டுனரிடம் வண்டியை நிறுத்த சொல்லிவிட்டார்களாம்.
ஆவலோடு கவுண்டமணி இருக்கும் இடத்துக்குப் போய் பார்த்தால், 'நிஜமாகவே கவுண்டர் விவசாயியாக மாறி விட்டாரோ' எனும் அளவுக்கு இயல்பாக, ஒரு விவசாயியாகக் காட்சி தந்தாராம் கவுண்டர்.
பார்க்கப் போனவர்களுக்கு ஒரு ஒரு இன்ப அதிர்ச்சி தரும் விதத்தில், அவர்கள் அருகில் வந்த கவுண்டர், ஒவ்வொருவரையும் நலம் விசாரித்ததோடு அவருக்கே உரிய பாணியில் பேசி கலகலக்க வைத்தார்.
அங்கிருந்தவர்கள் அப்போது அடித்த கமெண்ட், 'வயசானாலும் கவுண்டரின் நையாண்டியோ நகைச்சுவை உணர்வோ, சற்றும் குறையவில்லை' என்பது தான் .
Post a Comment