சென்னை: உன் சமையல் அறையில் படத்தில் இளையராஜாவின் இசைதான் ஹைலைட்டாக இருக்கும் என படத்தின் இயக்குநரும் ஹீரோவுமான பிரகாஷ்ராஜ் தெரிவித்துள்ளார்.
பிரகாஷ் ராஜ் - சிநேகா நடிக்கும் புதிய படம் உன் சமையல் அறையில். மலையாளத்தில் வந்த சால்ட் அன்ட் பெப்பர் படத்தின் ரீமேக் இது. தமிழ், தெலுங்கு மற்றும் கன்னடத்தில் தனித் தனிப் படமாக இது உருவாக்கப்படுகிறது.
மூன்று படங்களையும் பிரகாஷ்ராஜே இயக்குகிறார். ஹீரோவாகவும் நடிக்கிறார்.
இந்தப் படத்துக்கு இசைஞானி இளையராஜா இசையமைக்கிறார். மூன்று மொழிகளுக்கும் தனித்தனியாக இசையமைக்கும் ராஜா, பாடல்களையும் தனித்தனியாகவே போட்டுக் கொடுத்துள்ளாராம்.
இதுகுறித்து பிரகாஷ்ராஜ் கூறுகையில், "இந்தப் படத்தின் ஸ்பெஷல் இளையராஜாவின் இசை. மிகச் சிறந்த பாடல்களை, பின்னணி இசையை இளையராஜா அமைத்துள்ளார். மூன்று மொழிகளுக்கும் தனித்தனிப் பாடல்கள். வரும் மார்ச்சில் இசை வெளியீட்டை நடத்தத் திட்டமிட்டுள்ளேன்," என்றார்.
Post a Comment