சென்னை: இளையராஜாவின் 1000வது படம் பாலா இயக்கும் தாரை தப்பட்டை. இந்த செய்தியை உங்களுக்கு முதன் முதலில் தெரிவித்தது ஒன்இந்தியா என்பது நினைவிருக்கலாம்.
இதோ, இன்று இளையராஜாவின் 999 வது படம் எதுவென்று அந்தப் படத்தின் தயாரிப்பாளரே அறிவித்துள்ளார். அந்தப் படம் ஒரு ஊர்ல.
வேலுச்சாமி தயாரிப்பில் பருத்திவீரன் வெங்கடேஷ் கதாநாயகனாக நடிக்க, கன்னட நடிகை நேகா பட்டீல் நாயகியாக அறிமுகமாகிறார். பாடல்களை மு மேத்தா எழுதியுள்ளார்.
கதை, திரைக்கதை, வசனம் எழுதி இயக்கியுள்ளார் கே.எஸ்.வசந்தகுமார்.
இளையராஜா இசையில் வெளியாகும் 999 வது படம் என்ற அறிவிப்போடு படத்தை வெளியிடுகிறார் வேலுச்சாமி. பத்திரிகையாளர்களுக்கு அனுப்பியுள்ள செய்திகளிலும் இந்தப் படம் இளையராஜாவின 999வது படம் என்றே குறிப்பிட்டுள்ளார்.
இளையராஜாவின் 1000வது படம் பாலா இயக்கும் தாரை தப்பட்டை என்பது குறிப்பிடத்தக்கது.
Post a Comment