கலிபோர்னியா: ஹாலிவுட் நடிகர் லியோனார்டோ டிகேப்ரியோ தனது வீட்டுக்கு வந்த நடிகை லின்ட்சே லோஹனை விரட்டியுள்ளார் என்று செய்திகள் வெளியாகியுள்ளன.
டைட்டானிக் படம் மூலம் பிரபலம் ஆனவர் லியோனார்டோ டிகேப்ரியோ. தற்போது ஹாலிவுட்டில் அதிக சம்பளம் வாங்கும் ஹீரோவாக
உள்ளார் அவர். அண்மையில் அவர் நடிப்பில் வெளியான உல்ப் இன் தி வால் ஸ்ட்ரீட் படத்திற்காக சிறந்த நடிகருக்கான ஆஸ்கர் விருதுக்கு பரிந்துரைக்கப்பட்டார். ஆனால் அவருக்கு விருது கிடைக்கவில்லை.
இந்நிலையில் கேப்ரியோ தனது வீட்டில் செக்கர்ஸ் விளையாட தனது நண்பர்களை அழைத்துள்ளார். அப்போது நடிகை லின்ட்சே லோஹனும் கேப்ரியோ வீட்டுக்கு வந்துள்ளார். நடிக்க வந்த புதிதில் தனது நடிப்புத் திறமைக்காக பாராட்டப்பட்டவர் லின்ட்சே. அதன் பிறகு ஓரினச்சேர்க்கை, மது, போதைப் பொருள் பழக்கத்தில் சிக்கி மார்க்கெட்டை இழந்தார். மேலும் அவ்வப்போது சிறை சென்றும் வந்தார் என்பது குறிப்பிடத்தக்கது.
லோஹனின் பிரச்சனைகளால் அவரை பார்ட்டிக்கு அழைக்க பிரபலங்கள் தயங்கும் நிலையில் தான் கேப்ரியோ வீட்டுக்கு அவர் வந்தார். வந்த சில நிமிடங்களில் உட்கார இடம் இல்லை, என் அருகில் இவர்கள் இருக்கக் கூடாது, அவர்கள் இருக்கக் கூடாது என்பது போன்று பிரச்சனைகளை கிளப்ப ஆரம்பித்தார் லோஹன். இதை பார்த்த கேப்ரியோ தனது நண்பர்களிடம் லோஹன் வந்த 15வது நிமிடத்திலேயே அவரை வெளியே அனுப்புமாறு தெரிவித்துள்ளார்.
Post a Comment