சென்னை: தமிழ்ப் பட வாய்ப்புகளைப் புறக்கணிப்பதாக தன் மீது எழுந்துள்ள குற்றச்சாட்டுகளை மறுத்துள்ளார் ஸ்ருதிஹாஸன்.
ஸ்ருதி ஹாசன் தற்போது முதல் நிலை நடிகையாக உள்ளார். இந்திப் படங்களிலும் நடித்து வருகிறார்.
தமிழில் 7-ம் அறிவு, 3 ஆகிய இரண்டு படங்கள்தான் இதுவரை அவர் நடித்துள்ளார்.
தமிழ் இயக்குநர்கள், தயாரிப்பாளர்கள் அவரிடம் கால்ஷீட் கேட்டுப் போனாலும் அவர் மதிப்பதில்லை என்றும், தமிழ்ப் பட வாய்ப்புகளை கண்டுகொள்வதில்லை என்றும் குற்றச்சாட்டு கிளம்பியது.
இந்த நிலையில் விஷாலுக்கு ஜோடியாக ‘பூஜை' என்ற தமிழ் படத்தில் நடிக்க ஒப்பந்தமாகியுள்ளார்.
பூஜை படத்தோடு வந்த வேறு தமிழ்ப் படங்களில் நடிக்க மறுத்துவிட்டாராம் ஸ்ருதி.
ஆனால் இதையெல்லாம் ஸ்ருதி ஹாசன் மறுத்தார்.
‘‘நான் தமிழ் படங்களில் நடிக்க மறுக்கவில்லை. தமிழ் படங்களில் நடிக்க நிறைய வாய்ப்புகள் வந்ததென்னவோ உண்மைதான்.
ஆனால் அப்போது, தெலுங்கு, இந்தியில் பரபரப்பாக நடித்துக் கொண்டு இருந்ததால் என்னிடம் கால்ஷீட் இல்லை. இதை வைத்து தமிழ் படங்களை புறக்கணிக்கிறேன் என்று தவறான செய்தி பரவிவிட்டது. இப்போது பூஜை படத்தில் நடிக்கிறேன்.
தமிழ் படங்களில் தொடர்ந்து நடிக்க ஆவலாகவே இருக்கிறேன். கதை பிடித்திருந்து கால்ஷீட்டும் இருந்தால் நிச்சயம் தமிழில் நடிப்பேன்,'' என்றார்.
Post a Comment