கமல் ஹாஸன் நடிக்கும் உத்தம வில்லன் படத்தின் வெளியீட்டுத் தேதி செப்டம்பர் மாதத்திலிருந்து அக்டோபருக்கு தள்ளிப் போயுள்ளதாக தகவல் கசிந்துள்ளது.
கமல் ஹாஸன் திரைக்கதை எழுதி, லிங்குசாமியுடன் இணைந்து தயாரித்து நடித்துள்ள படம் உத்தம வில்லன்.
ஜெயராம், ஆன்ட்ரியா, பூஜா குமார், பார்வதி நாயர் நடித்துள்ள படம் இது.
இந்தப் படத்தின் படப்பிடிப்பு கிட்டத்தட்ட இறுதிக்கட்டத்துக்கு வந்துவிட்டது. விஸ்வரூபம் 2 படத்துக்கு முன்பே உத்தம வில்லன் வெளியாகும் என அறிவித்திருந்தார் கமல்ஹாஸன்.
லிங்குசாமியின் திருப்பதி பிரதர்ஸும் படத்தின் ரிலீஸ் தேதி செப்டம்பர் 10 என அறிவித்திருந்தனர்.
ஆனால் தற்போது அதில் ஒரு மாற்றம். செப்டம்பர் 10-க்கு பதில், காந்தி பிறந்த நாளான அக்டோபர் 2-ம் தேதி படத்தை வெளியிட்டால் ஆரம்ப வசூல் சிறப்பாக இருக்கும் என விநியோகஸ்தர்கள் தரப்பு கருதுவதால், படத்தை மூன்று வாரங்கள் தஷள்ளி வெளியிட திட்டமிட்டுள்ளதாக தெரிய வந்துள்ளது.
இதனை உத்தம வில்லன் படத்தின் கேரள விநியோகஸ்தர் தரப்பில் உறுதிப்படுத்தியுள்ளனர். செப்டம்பர் மாதம் படத்தின் இசை வெளியீட்டை வைத்துக் கொள்ள திட்டமிட்டுள்ளனர் தயாரிப்பாளர்கள்.
உத்தம வில்லன் படத்தை கமலின் நண்பரும் நடிகருமான ரமேஷ் அரவிந்த் இயக்கியுள்ளார். அவர் இயக்கும் முதல் தமிழ்ப் படம் இது.
Post a Comment