சமந்தாவுக்கு எந்த தோல் வியாதியும் இல்லை என்பதை, அவரை முக்கால் நிர்வாணமாகக் காட்டியதன் மூலம் நிரூபித்திருக்கிறார் இயக்குநர் லிங்குசாமி என்றார் தயாரிப்பாளர் சங்கத் தலைவர் கேயார்.
சூர்யா நடித்த அஞ்சான் படத்தின் இசை வெளியீடு ஆர்ப்பாட்டமின்றி, அமைதியாக இன்று அரங்கேறியது சத்யம் திரையரங்கில்.
இந்த விழாவில் படத்தின் பாடல்கள் திரையிட்டுக் காட்டப்பட்டன. பத்திரிகையாளர்களும், தேர்ந்தெடுத்த ரசிகர்கள் சிலரும் மட்டும் அரங்கில் அனுமதிக்கப்பட்டிருந்தனர். மேடையில் என்ன சொன்னாலும், ஓ என்று கத்தியும், கூடவே கமெண்ட் அடித்தும் கடுப்பேற்றினர் அந்த தேர்ந்தெடுத்த ரசிகர்கள் (ஒருவேளை அதற்காகவே தேர்ந்தெடுக்கப்பட்டிருப்பார்களோ!!).
போகட்டும்... விழாவுக்கு அழைக்கப்பட்டிருந்த தமிழ் திரைப்பட தயாரிப்பாளர்கள் சங்கத் தலைவர் கேயார், படத்தின் ஹீரோயின் சமந்தா பற்றி அடித்த கமெண்ட்தான் விழாவின் ஹைலைட் எனலாம்.
அப்படி என்னதான் சொன்னார்?
லிங்குசாமி எந்தளவுக்கு புத்திசாலியானவர்ங்கறதுக்கு ஒரு உதாரணம் பாருங்க... இந்தப் படத்தின் நாயகி சமந்தாவுக்கு ஸ்கின் ப்ராப்ளம். அதுனால நிறைய படங்கள்ல அவங்க நடிக்காம போயிட்டாங்கன்னு செய்தி வந்தது நினைவிருக்கலாம்.
இதே பிரச்சினைக்காக இந்த ‘அஞ்சான்' படத்துலருந்தும் அவரை தூக்கப் போறார் லிங்குசாமின்னு கூட செய்தி வந்திச்சு. ஆனா அப்படி எதுவும் நடக்கல... அவர் நடிக்க ஆரம்பிச்சிட்டார்.
அதுக்காக லிங்குசாமியே இந்தப் படத்துல ஒரு வேலை செஞ்சிருக்கார். சமந்தா எப்பவும் படங்கள்ல தன்னோட உடம்பை ரொம்ப காட்ட மாட்டாங்க. ஆனா இந்தப் படத்துல அவங்க டான்ஸ் ஆடுன ஒரு பாடலைப் பாத்திருப்பீங்க.
அதுல ஒவ்வொரு சீன்லேயும் சமந்தாவோட உடம்பை முழுக்கக் காட்டியதன் மூலம், சமந்தாவுக்கு தோல் வியாதியே இல்லைங்கிறதை நிரூபிச்சிருக்கார் லிங்குசாமி...," என்றார்.
கேயாரின் கமெண்ட் இப்படியென்றால், படத்தின் ஹீரோ சூர்யா, சமந்தா பற்றி அடித்த கமெண்டுகள் இன்னும் பலே ரகம்... அதை இன்னொரு கட்டுரையில சொல்கிறேன்!
Post a Comment