திருவனந்தபுரம்: முன்னணி நடிகை நஸ்ரியா நஸீம் - நடிகர் பகத் ஃபாஸில் திருமணம் இன்று காலை திருவனந்தபுரத்தில் நடந்தது.
நேரம், நய்யாண்டி, ராஜாராணி, வாயை மூடி பேசவும், திருமணம் என்னும் நிக்காஹ் படங்களில் நடித்தவர் நஸ்ரியா. மலையாளத்தில் பிரபல இயக்குநர் பாஸில் மகனும் நடிகருமான பகத் ஃபாஸிலுடன் எல் பார் லவ் என்ற படத்தில் நடித்தார். அப்போதுதான் இருவருக்கும் காதல் ஏற்பட்டது.
(நஸ்ரியா திருமண கேலரி)
இவர்களது காதலை இருவீட்டாரும் ஏற்றுக் கொண்டதால், இருவருக்கும் திருமணம் நிச்சயிக்கப்பட்டு, ஆகஸ்டு 21-ந் தேதி திருமணம் நடத்த முடிவு செய்யப்பட்டது.
அதன்படி அவர்கள் திருமணம் இன்று திருவனந்தபுரம் கழக் கூட்டத்தில் உள்ள அல்ஹாஜ் திருமண மண்டபத்தில் நடந்தது.
இருவருமே இஸ்லாமிய மதத்தைச் சேர்ந்தவர்கள் என்பதால் முஸ்லீம் மத வழக்கப்படியே சடங்குகள் செய்யப்பட்டு திருமணம் நடந்தது.
இதில் சினிமா துறையினர், அரசியல் தலைவர்கள் உள்பட முக்கிய பிரமுகர்கள் கலந்து கொண்டனர். திருமண மண்டபம் முன்பு பலத்த போலீஸ் பாதுகாப்பு போடப்பட்டிருந்தது.
நஸ்ரியா - பகத் ஃபாஸில் திருமண வரவேற்பு நிகழ்ச்சி வருகிற 24-ந் தேதி (ஞாயிற்றுகிழமை) ஆலப்புழாவில் நடக்கிறது.
Post a Comment