சென்னை: தேமுதிக தலைவர் விஜயகாந்தின் இளையமகன் நடிக்கும் சகாப்தம் படத்தில் சிம்பு ஒரு பாடலை பாடியுள்ளார்.
தேமுதிக தலைவர் விஜயகாந்தின் இளையமகன் சண்முக பாண்டியன் சகாப்தம் என்ற படம் மூலம் ஹீரோவாக அறிமுகமாகிறார். இந்த படத்தின் படப்பிடிப்பு பொள்ளாச்சியில் நடைபெற்றபோது பலரின் கவனத்தையும் ஈர்த்தது.
விஜயகாந்த் இந்த படத்திற்கு லொகேஷன் பார்க்க வெளிநாடுக்கு சென்று வந்தார். இந்நிலையில் சகாப்தம் படத்தில் சிம்பு ஒரு பாடலை பாடியுள்ளாராம். கடந்த சில நாட்களுக்கு முன்பு தான் அந்த பாடலை பாடிக் கொடுத்தாராம்.
சிம்பு நடிப்பது தவிர்த்து பாடவும் செய்வார் என்பது குறிப்பிடத்தக்கது. அண்மையில் இணையதளத்தில் முத்த வீடியோ ஒன்று வெளியானது. அது சிமா விருது விழாவுக்கு சென்ற இடத்தில் சிம்புவும், கன்னட நடிகையும் முத்தம் கொடுத்தபோது எடுத்தது என்று கூறப்பட்டது.
ஆனால் சம்பந்தப்பட்ட இருவரும் அதை மறுத்தனர். யாரோ வேலையில்லாதவர்கள் செய்த காரியம் என்றார் நடிகை.
Post a Comment