பனாஜி: கோவா தலைநகர் பனாஜியில் நடக்கும் கோவா சர்வதேச திரைப்பட விழாவில் 12 சீனத் திரைப்படங்கள் பங்கேற்கின்றன.
பனாஜியில் வரும் நவம்பர் 20 முதல் 30-ம் தேதி வரை சர்வதேச திரைப்பட விழா நடைபெறுகின்றது.
இந்த விழாவில் இந்திய மொழியின் சிறந்த படங்களுடன் சர்வதேச அளவில் வெற்றிகரமாக ஓடிய மற்றும் வெகுவாக விமர்சிக்கப்பட்ட விருதுப் படங்களும் திரையிடப்படுகின்றன.
இந்தியாவில் நடைபெறும் சர்வதேசப் பட விழாக்களில் ஜப்பானிய மொழி திரைப்படங்கள் அதிகம் இடம்பெறுவது வழக்கம்.
சமீபத்தில், பிரதமர் நரேந்திர மோடி சீனா சென்றுவந்த பிறகு, இந்தியாவும் சீனாவும் கூட்டாக திரைப்படங்கள் தயாரிப்பது உள்பட பல்வேறு கலை மற்றும் கலாச்சாரம் தொடர்பான ஒப்பந்தங்கள் செய்யப்பட்டன.
அதன் விளைவாக கோவாவில் இவ்வாண்டு நடைபெறும் சர்வதேச திரைப்பட விழாவில் சீனாவின் சார்பில் 12 திரைப்படங்கள் இடம் பெறுகின்றன.
Post a Comment