ஜோதிகா மீண்டும் நடிக்கத் தொடங்கியுள்ள தமிழ்ப் படத்தின் க்ளைமாக்ஸ் காட்சி டெல்லியில் படமாக்கப்பட்டது.
சூர்யாவை திருமணம் செய்து கொண்ட பிறகு படங்களில் நடிக்காமல் இருந்த ஜோதிகா, இப்போது ஹவ் ஓல்ட் ஆர் யூ என்ற மலையாளப் பட ரீமேக்கில் நடிக்கிறார்.
மலையாள நடிகர் திலீப் மனைவி மஞ்சு வாரியர், விவாகரத்து பெற்ற பிறகு நடித்து வெற்றி பெற்ற படம் இது. இதில் மஞ்சு வாரியர் கேரக்டரில் ஜோதிகா நடிக்கிறார்.
கணவனால் உதாசீனப் படுத்தப்பட்டு தாழ்வு மனப்பான்மையுடன் வருமானமின்றி கஷ்டப்படும் ஒரு பெண் அதில் இருந்து சக பெண்களுடன் இணைந்து வீட்டு மொட்டை மாடிகளில் காய்கறி தோட்டங்கள் வளர்த்து பொருளாதாரத்தில் உயர்ந்து தேசமே திரும்பி பார்க்கும்படி எப்படி புரட்சிக்கரமான பெண்ணாக மாறுகிறார் என்பதுதான் கதை.
இந்த புரட்சிப் பெண்ணை ஜனாதிபதியே அழைத்துப் பாராட்டுவது போல் படம் முடிகிறது.
இப்படத்தின் தமிழ் ரீமேக் படப்பிடிப்பு டெல்லியில் நடந்து வருகிறது. இதற்காக ஜோதிகா டெல்லியில் தங்கி நடித்து வருகிறார். முதலில் கிளைமாக்ஸ் காட்சியை இயக்குநர் ரோஷன் ஆண்ட்ரூஸ் படமாக்கினார்.
நீண்ட இடைவெளிக்குப் பிறகு நடித்தாலும், ஜோதிகா மிக இயல்பாக நடித்துக் கொடுத்தார்.
இந்தப் படத்தை நடிகர் சூர்யா தனது 2 டி எண்டர்டெயின்மென்ட் மூலம் தயாரிக்கிறார்.
Post a Comment