மும்பை: ஷாருக்கான் நடிப்பில் வெளியான ஹேப்பி நியூ இயர் படம் உலக அளவில் ரூ.300 கோடி வசூல் செய்துள்ளது.
தோழி ஃபரா கான் இயக்கத்தில் ஷாருக்கான் நடிப்பில் தீபாவளி ஸ்பெஷலாக ரிலீஸான படம் ஹேப்பி நியூ இயர். படம் ரிலீஸான மூன்றே நாட்களில் ரூ.100 கோடி வசூல் செய்தது. அப்படி என்றால் படம் அவ்வளவு சூப்பரா இருக்கிறதா பாஸ் என்று கேட்டால் இல்லை என்பது தான் பதில். பின்னர் எப்படி இந்த வசூல் சாதனை எல்லாம் என்று ரூம் போட்டு யோசிக்க வேண்டாம்.
விடுமுறை நேரம், ஏகப்பட்ட தியேட்டர்கள் என்று ரிலீஸ் செய்து, ஷாருக்கானை வைத்து கல்லா கட்டிவிட்டனர்.
ரூ.200 கோடி
ஹேப்பி நியூ இயரின் வசூல் ரூ.100ல் இருந்து ரூ.200 கோடி ஆனது. அடடே படம் ரூ.200 கோடி வசூலித்துவிட்டதா என்று நினைக்கையில் அடுத்த அதிசயம் நடந்துவிட்டது.
ரூ.300 கோடி
உலக அளவில் ஹேப்பி நியூ இயர் ரூ.300 கோடியை வசூல் செய்துவிட்டு அடுத்த சாதனையை படைக்க ஓடிக் கொண்டிருக்கிறது.
ஜெயா பச்சன்
ஹேப்பி நியூ இயர் படத்தில் என் மகன் அபிஷேக் நடித்தார் என்றே அதை பார்த்தேன். ஆனால் அது சரியான நான்சென்ஸ் படம் என்று ஜெயா பச்சன் தெரிவித்துள்ளார்.
உல்டா ராசி
படத்தை விமர்சகர்கள் திட்டித் தீர்த்தாலும், ஏன் ரசிகர்களே நக்கல் அடித்தாலும் படம் ஓடு, ஓடு என்று ஓடி கோடி கோடியாய் வசூல் செய்யும் உல்டா ராசி ஷாருக்கானுடையது. அது ஹேப்பி நியூ இயருக்கும் ஒர்க் அவுட்டாகிவிட்டது.
Post a Comment