சென்னை: என்னை அறிந்தால் படத்தின் டீஸர் லிங்கா படத்தின் இடையே வெளியிடப்படக்கூடும் என்று கூறப்படுகிறது.
அஜீத் குமார் நடித்துள்ள என்னை அறிந்தால் படத்தின் டீஸர் கடந்த 4ம் தேதி ரிலீஸ் ஆனது. டீஸர் வெளியான 48 மணிநேரத்தில் அதை யூடியூப்பில் ஏராளமானோர் பார்த்துவிட்டனர். யூடியூப்பில் அதிகம் பார்க்கப்பட்ட டீஸர் என்ற பெருமையை என்னை அறிந்தால் பெற்றுள்ளது.
இந்நிலையில் என்னை அறிந்தால் பட டீஸரை சூப்பர் ஸ்டார் ரஜினிகாந்தின் லிங்கா படத்துடன் சேர்த்து தியேட்டர்களில் வெளியிட திட்டமிட்டுள்ளார்களாம். அதனால் லிங்கா பார்க்க செல்லும் ரசிகர்களுக்கு தல விருந்து காத்திருக்கிறது.
என்னை அறிந்தால் பொங்கல் ஸ்பெஷலாக ரிலீஸாக உள்ளது. இதற்கிடையே ரஜினியின் லிங்கா படத்தின் முதல் நாள் முதல் காட்சியை பார்க்க மாணவர்கள், வேலைக்கு செல்பவர்கள் என்று பலரும் வெள்ளிக்கிழமை லீவ் போட தயாராகிவிட்டனர்.
எங்கள் அலுவலகத்தில் வெள்ளிக்கிழமை லிங்கா படத்தை பார்க்கும் வாய்ப்பு எங்கள் சினிமா ஆசிரியர் ஷங்கருக்கு மட்டும் தான் கிடைத்துள்ளது. ஜமாய்ங்க...
Post a Comment