மும்பை: பாலிவுட் நடிகை சோனாக்ஷி சின்ஹா தேவர் படத்தின் மூலம் பாடகியாகியுள்ளார்.
பாலிவுட் நடிகை சோனாக்ஷி சின்ஹா அர்ஜுன் கபூருடன் ஜோடி சேர்ந்து நடித்துள்ள இந்தி படம் தேவர். படத்தை ஸ்ரீதேவியின் கணவர் போனி கபூர் தயாரித்துள்ளார். இந்த படம் மூலம் சோனாக்ஷி பாடகியாகியுள்ளார். படத்தில் வரும் லெட்ஸ் செலபிரேட் பாடலில் சில வரிகளை சோனாக்ஷி பாடியுள்ளார்.
இது குறித்து அவர் கூறுகையில்,
மியூசிக் வீடியோ ஷூட் செய்ய சென்றோம். அங்கு பேச்சுவாக்கில் இந்த பாடலில் வரும் பெண் பகுதியை யார் பாடப் போகிறார்கள் என்று கேட்டேன். அதற்கு நீங்கள் தான் என்றார்கள். எனக்கு பாட வரும் ஆனால் படத்தில் பாடும் அளவுக்கு என் குரல் நன்றாக உள்ளதா என தெரியவில்லை என்றேன்.
உடனே எனக்கு நான்கு மணிநேரம் பாட பயிற்சி அளித்தனர். அதன் பிறகு நான் அந்த பாடலை பாடினேன் என்றார்.
வரும் ஜனவரி மாதம் 9ம் தேதி தேவர் படம் ரிலீஸாக உள்ளது என்பது குறிப்பிடத்தக்கது.
Post a Comment