சென்னை: விஜய் ஆண்டனி தான் நடித்து வரும் இந்தியா-பாகிஸ்தான் படத்திற்காக முதல்முறையாக குத்தாட்டம் போட்டுள்ளார்.
இசையமைப்பாளர் விஜய் ஆண்டனி நான் படம் மூலம் ஹீரோ ஆனார். அந்த படத்தில் அவர் சீரியஸான கதாபாத்திரத்தில் நடித்தார். அந்த படத்திற்கு ரசிகர்கள் அளித்த வரவேற்பால் மகிழ்ச்சி அடைந்த அவர் சலீம் படத்தில் ஹீரோவாக நடித்தார்.
அவர் நடித்த நான் மற்றும் சலீம் படங்கள் நல்லபடியாக ஓடின. நான், சலீம் ஆகிய படங்களை தயாரித்தவர் அவரின் மனைவி பாத்திமா விஜய் ஆண்டனி. விஜய் ஆண்டனி தற்போது காதலை மையமாகக் கொண்ட ஜாலியான படமான இந்தியா பாகிஸ்தானில் நடித்து வருகிறார். இந்த படத்தையும் அவரது மனைவி தான் தயாரிக்கிறார்.
இந்த படத்தில் முதன்முறையாக விஜய் ஆண்டனி குத்துப்பாட்டுக்கு ஆடியுள்ளார். அவர் குத்தாட்டம் போட்ட வீடியோ நேற்று வெளியாகியுள்ளது.
ஒரு பொண்ண பார்த்தேன் மாமா என்னை கொண்ணுப்புட்டா மாமா என்று துவங்கும் அந்த பாடலுக்கு தான் அவர் குத்தாட்டம் போட்டுள்ளார்.
விஜய் ஆண்டனி திருடன், சைத்தான், பிச்சைக்காரன் ஆகிய படங்களிலும் நடித்து வருகிறார் என்பது குறிப்பிடத்தக்கது.
Post a Comment