கவுதம் மேனன் இயக்கத்தில் அஜீத் நடித்துள்ள என்னை அறிந்தால் படத்தின் பாடல்கள் புத்தாண்டின் முதல் நொடியில் வெளியானது.
இந்தப் பாடல்களை சமூக வலைத்தளமான யு ட்யூபில் வெளியிட்டுள்ளது சோனி மியூசிக் நிறுவனம். ஆடியோ சிடிக்கள் இன்று முதல் கடைகளில் கிடைக்கும்.
பொங்கல் ஸ்பெஷலாக வருகிறது என்னை அறிந்தால். இந்தப் படத்தை அடுத்த வாரம், அதாவது 8-ம் தேதியே திரைக்குக் கொண்டு வர முயற்சிகள் நடக்கின்றன.
படத்தின் இசை வெளியீட்டுக்காக பிரமாண்ட விழா எதுவும் நடத்தவில்லை. மொத்தம் ஏழு பாடல்கள் இடம்பெற்றுள்ளன இந்தப் படத்தில்.
ஹாரிஸ் ஜெயராஜ் இசையமைத்துள்ளார். பாடல்களை தாமரை எழுதியுள்ளார்.
தயாரிப்பாளர் சார்பில் இசை வெளியீட்டு விழா நடக்காவிட்டாலும், அஜீத்தின் தீவிர ரசிகர்கள் சிலர் இன்று சென்னை ரிச்சி தெருவில் ஒரு சிறப்பு நிகழ்ச்சியை நடத்தி அதில் பாடல் சிடியை வெளியிடப் போகிறார்கள்.
Post a Comment