சென்னை: இஸ்லாம் மதத்திற்கு மாறிய நடிகை மோனிகாவுக்கு திருமணம் நிச்சயிக்கப் பட்டுள்ளது. மதுரையைச் சேர்ந்த தொழிலதிபரை மணக்கிறார்.
தமிழ் சினிமாவில் குழந்தை நட்சத்திரமாக அறிமுகமாகி, நாயகியாக உயர்ந்தவர் நடிகை மோனிகா. இவர் அழகி, சண்டைக்கோழி, சிலந்தி, நதிகள் நனைவதில்லை உள்பட பல படங்களில் நடித்துள்ளார்.
சமீபத்தில், இஸ்லாமிய மதத்துக்கு மாறிய மோனிகா, தனது பெயரை ரஹீமா என மாற்றிக் கொண்டார். சினிமாவில் நடிப்பதையும் நிறுத்திக் கொண்டார்.
இந்நிலையில், இவருக்கும் மதுரையைச் சேர்ந்த தொழிலதிபர் மாலிக் என்பவருக்கும் திருமணம் ஏற்பாடு செய்யப் பட்டுள்ளது. இவர்களது திருமணம் வரும் 11ம் தேதி சென்னையில் நடைபெற உள்ளது.
மதுரையைச் சேர்ந்த மாலிக் சென்னையில் மின்சாதன பொருட்களை வியாபாரம் செய்து வருகிறார். மாலிக் மோனிகாவின் தந்தையின் நண்பர் மகன் என்றபோதும், இது காதல் திருமணம் இல்லையாம். உறவினர்களால் ஏற்பாடு செய்யப்பட்ட திருமணம் தானாம்.
Post a Comment