ஆமீர்கானின் வித்தியாசமான படமான 3 இடியட்ஸ் படத்தின் தமிழ் ரீமேக்கில் நடித்தது போல, இப்போது வெளியாகியுள்ள பீகே தமிழ் ரீமேக்கிலும் விஜய் நடிப்பார் என்ற பேச்சு கிளம்பியுள்ளது கோடம்பாக்கத்தில்.
சமீபத்தில் வெளியாகி பெரும் வசூலைக் குவித்து வரும் ஆமீர்கானின் 'பீகே' படத்தை தமிழில் ரீமேக் செய்ய ஏற்பாடுகள் நடக்கின்றன.
இந்தப் படத்தில் இந்து மதத்துக்கு எதிராக சர்ச்சை காட்சிகள் இருப்பதாக எதிர்ப்பு கிளம்பியுள்ளது. ஆமீர்கானை எதிர்த்து போராட்டங்களும் நடக்கின்றன. அவற்றை மீறி இப்படம் வசூல் சாதனை படைத்துள்ளது.
இதையடுத்து 'பிகே' படத்தை தமிழில் ரீமேக் செய்ய முயற்சிகள் நடக்கின்றன.
இதில் விஜய் நடிக்கலாம் என்ற எதிர்பார்ப்பு நிலவுகிறது. ஏற்கனவே அமீர்கானின் '3 இடியட்ஸ்' படத்தை தமிழில் 'நண்பன்' என்ற பெயரில் ரீமேக் செய்து விஜய் நடித்தார். ஷங்கர் இயக்கிய இந்தப் படம் விஜய்க்கு நல்ல பெயரைக் கொடுத்தது.
அதேபோல், இந்த படமும் தமிழில் ரீமேக் ஆனால் விஜய் நடிப்பார் என எதிர்பார்க்கப்படுகிறது.
Post a Comment