டீ கடையை மையப்படுத்தி ஒரு படம் உருவாக்கப்படுகிறது. அதற்கு அஞ்சல என்று தலைப்பிட்டுள்ளனர்.
இயக்குனர்கள் ரத்ன குமார், மூர்த்தி மற்றும் சக்தி சௌந்தர்ராஜன் ஆகியோரிடம் உதவியாளராக பணிபுரிந்த தங்கம் சரவணன் இப்படத்தை இயக்குகிறார். மதுரை மாவட்டம் சோழவந்தான் பகுதியில் படமாக்கபட்டுள்ளது.
விமல் - நந்திதா
யமஹா ஷோரூம் வைக்கும் லட்சியத்துடன் உழைக்கும் மெக்கானிக்காக விமல், கல்லூரி மாணவியாக நந்திதா நடிக்கிறார்கள்.
டீ கடையும்
பசுபதி ஒரு முக்கியமான கதாப்பாத்திரத்தில் நடிக்கிறார் மற்றும் இமான் அண்ணாச்சி, ஆடுகளம்' முருகதாஸ், சுப்பு பஞ்சு இவர்களுடன் ‘டீ' கடை மிக முக்கியமான அங்கம் வகிக்கிறது. அனைவரயும் கவரும் ஒரு நகைச்சுவை கலந்த காதல் பொழுது போக்கு பாடமாக வருகிறது ‘ அஞ்சல'.
திலீப் சுப்பராயன்
தனது ஃபார்மர்'ஸ் மாஸ்டர் ப்ளான் புரோடக்ஷன் சார்பில் திலிப் சுப்பராயன் இப்படத்தை தயாரிக்கிறார்.
"ஒரு நாள் தற்செயலாக ஸ்டன்ட் மாஸ்டர் திலிப் சுப்புராயனிடம் இந்த கதையை கூறினேன். அவருக்கு மிகவும் பிடித்திருந்தது. உடனே இப்படத்தை தானே தயாரிக்க முன் வந்தார்," என்கிறார் இயக்குநர்.
திலிப் சுப்புராயன் பிரபல சண்டை பயிற்சியாளர் சூப்பர் சுப்புராயனின் மகன் என்பது குறிப்பிடத்தக்கது.
சூப்பர் சுப்பராயன்
இந்தப் படத்துக்கு சூப்பர் சுப்பராயன் சண்டை பயிற்சியினை மேற்கொள்ள, ரவி கண்ணன் ஒளிப்பதிவு செய்கிறார். வெற்றி படங்களான உஸ்தாத் ஹோட்டல், பெங்களூர் டேஸ் திரைப்படங்களுக்கு இசையமைத்த கோபி சுந்தர் இப்படத்திற்கு இசையமைக்கிறார்.
நம்ம கதை
"நம் வாழ்வில் நடந்த, நடக்கும், நடக்கவிருக்கும் அன்றாட நிகழ்வுகளின் கோர்வையே அஞ்சல'. படப்பிடிப்பு முழுவதும் முடிவடைந்து, பின் தயாரிப்பு வேலைகள் நடந்து வருகிறது. விரைவில் வெளியிட திட்டமிட்டுள்ளோம்," என்கிறார் தங்கம் சரவணன்.
Post a Comment