தொடர்ந்து வெற்றிப் படங்களாகத் தயாரித்து வரும் ஸ்டுடியோ கிரீன் நிறுவனம், இப்போது ஆடியோ நிறுவனம் தொடங்கி, சிடிக்களையும் வெளியிட ஆரம்பித்துள்ளது.
2006ம் ஆண்டும் சூர்யா-ஜோதிகா நடிப்பில் வெளியாகி சூப்பர் ஹிட்டான படம் சில்லுனு ஒரு காதல். இப்படத்தை ஸ்டுடியோ கிரீன் நிறுவனம் மூலம் ஞானவேல் ராஜா தயாரித்திருந்தார். இந்த நிறுவனத்தின் முதல் படம் இது.
சூர்யா, கார்த்தி நடித்து வரும் பெரும்பாலான படங்களை ஸ்டுடியோ கிரீன் நிறுவனமே தயாரித்து வருகிறது. இந்நிறுவனம் தயாரிப்பது மட்டுமல்லாமல் படங்களை வாங்கி விநியோகமும் செய்து வருகிறது.
இப்போது இந்நிறுவனம் ஆடியோ நிறுவனத்தையும் தொடங்கவுள்ளது. கார்த்தி-லட்சுமி மேனன் நடிப்பில் உருவாகியுள்ள கொம்பன் படம் மூலம் தனது ஆடியோ கம்பெனியான கிரீன் ஆடியோவை அறிமுகம் செய்யவுள்ளது.
இப்படத்தின் இசை வெளியீட்டு விழா மார்ச் 5ம் தேதி நடக்கவுள்ளது. இதனைத் தொடர்ந்து வெங்கட் பிரபு இயக்கத்தில் சூர்யா நடித்து வரும் ‘மாஸ்' படத்தின் ஆடியோவையும் கிரீன் ஆடியோ நிறுவனமே வெளியிடுகிறது.
Post a Comment