சென்னை: மறு தேதி குறிப்பிடப்படாமல் கமல் ஹாஸனின் உத்தம வில்லன் படத்தின் ரிலீஸை தள்ளி வைத்துள்ளனர் திருப்பதி பிரதர்ஸ் நிறுவனத்தினர்.
முன்னதாக ஏப்ரல் 10-ம் தேதி இந்தப் படம் வெளியாகும் என அறிவிக்கப்பட்டு இருந்தது.
ரமேஷ் அரவிந்த் இயக்கத்தில் கமல்ஹாசன், மறைந்த இயக்குநர் கே.பாலசந்தர், கே.விஸ்வநாத், பூஜாகுமார்,ஆண்ட்ரியா, ஊர்வசி, பார்வதி உள்ளிட்ட பலர் நடிப்பில் தயாராகி இருக்கும் படம் 'உத்தம வில்லன்'.
ஜிப்ரான் இசையமைத்துள்ள இப்படத்தை திருப்பதி பிரதர்ஸ் நிறுவனம் தயாரித்துள்ளது. ஈராஸ் நிறுவனம் இப்படத்தை வெளியிடுகிறது.
இசை வெளியீடு, இறுதிகட்டப் பணிகள் என அனைத்தும் முடிந்து ஏப்ரல் 10ம் தேதி வெளியாகும் என்று தகவல்கள் வெளியாகின. ஆனால், தற்போது சென்சார் பணிகள் இன்னும் முடிவடையாத காரணத்தில், ஏப்ரல் 10ம் தேதி வெளியாக வாய்ப்பில்லை என தெரிகிறது.
'உத்தம வில்லன்' படத்தை அமெரிக்காவில் வெளியிடும் ப்ரைம் மீடியா நிறுவனத்தினர் "உத்தம வில்லன் 10ம் தேதி வெளியாகவில்லை. வெளியீட்டு தேதி சென்சார் பணிகள் முடிந்ததும் அறிவிக்கப்படும்" என்று ட்விட்டர் பக்கத்தில் தெரிவித்திருக்கிறார்கள்.
ஏப்ரல் இறுதியில் படம் வெளியாகலாம் என்கிறார்கள்.
இந்தப் படம் முதலில் கடந்த ஆண்டு செப்டம்பரில் வெளியாகும் என அறிவித்திருந்தது நினைவிருக்கலாம்.
Post a Comment