கமல் ஹாஸனுடன் வேட்டையாடு விளையாடு, விஜய்யுடன் காவலன், சூர்யாவுடன் கஜினி என முன்னணி நட்சத்திரங்களின் சண்டைப் பயிற்சயாளராக பணியாற்றி வந்த 'ஸ்டன்' சிவா தற்போது புதிய படம் ஒன்றை இயக்கவுள்ளார்.
7 ஸ்டார் யூனிவர்சல் எண்டர்டெயின்மெண்ட் பிரைவேட் லிமிடட் சார்பாக லேனி ஹவ் தயாரிக்கும் இந்தப் படத்தில் கெவின், ஸ்டிவின், லேனி ஹவ், ரோஹினி, ஜுனியர் பாலையா, நந்தா பெரியசாமி மற்றும் பலர் நடிக்கின்றனர்.
லேனி ஹவ் எழுதிய கதைக்கு, திரைக்கதை எழுதி இயக்குகிறார் 'ஸ்டன்' சிவா.
இப்படத்தின் நாயகன் கதாபாத்திரத்துடன் படம் பார்க்கும் ஒவ்வொரு ரசிகரும் தன்னை ஒப்பிட்டு பார்க்கும் வகையிலும், நாயகனை போன்ற குணாதிசயங்கள் நமக்கும் தோன்றாதா என்று என்னும் வகையிலும் கதை வடிவமைக்கப்பட்டுள்ளது.
கேரா ஜெரிமீயா இசையமைக்க, என் எஸ் உதய் ஒளிப்பதிவு செய்கிறார். ஸ்டன் சிவாவே சண்டைப் பயிற்சியையும் கவனிக்க, மக்கள் தொடர்பாளராகப் பணியாற்றுகிறார் நிகில் முருகன்.
படக்குழுவினரை நேரில் சந்தித்த தயாரிப்பாளர் சங்கத் தலைவர் கலைப்புலி எஸ் தாணு, சிவாவுக்கு தனது வாழ்த்துகளைத் தெரிவித்தார்.
Post a Comment