காக்கா முட்டை படத்துக்காக தேசிய விருது பெற்ற குழந்தைகள் ரமேஷ், விக்னேஷுக்கு தங்கச் சங்கிலி பரிசளித்தார் நடிகர் தனுஷ்.
62-வது தேசிய விருதுக்கான அறிவிப்பில் காக்கா முட்டை படத்துக்கு சிறந்த குழந்தைகளுக்கான படம் மற்றும் அதில் நடித்த சிறுவர்களான விக்னேஷ் மற்றும் ரமேஷுக்கு சிறந்த குழந்தை நட்சத்திரங்களுக்கான தேசிய விருது கிடைத்துள்ளது.
எம்.மணிகண்டன் இயக்கியுள்ள இப்படத்திற்கு ஜி.வி.பிரகாஷ் இசையமைத்துள்ளார். தனுஷின் வுண்டர்பார் பிலிம்ஸும், வெற்றிமாறனின் க்ராஸ் ரூட் பிலிமும், ஏ.ஆர்.முருகதாஸின் பாக்ஸ் ஸ்டார் ஸ்டுடியோசும் இணைந்து தயாரித்துள்ளது.
தேசிய விருது பெற்றதை கௌரவப்படுத்தும் விதமாக தனுஷ் இந்த படத்தின் இயக்குனர் எம்.மணிகண்டன், மற்றும் சிறுவர்களுக்கு தங்க சங்கிலிளைப் பரிசளித்துள்ளார்.
மேலும் வெற்றிமாறன் படக்குழுவினரை தனது அலுவலகத்திற்கு அழைத்து கேக் வெட்டி இதனைக் கொண்டாடியுள்ளார்.
காக்கா முட்டை படம் இன்னும் திரைக்கு வரவில்லை என்பது குறிப்பிடத்தக்கது.
Post a Comment