கொம்பன் படத்துக்கு தான் முழு ஆதரவு தெரிவிப்பதாக ட்விட்டரில் தெரிவித்துள்ளார் நடிகர் தனுஷ்.
கார்த்தி - லட்சுமி மேனன், ராஜ்கிரண் நடித்துள்ள கொம்பன் படத்தை, குட்டிப் புலி படம் இயக்கிய முத்தையா இயக்கியுள்ளார்.
ஞானவேல் ராஜா தயாரித்துள்ள இந்தப் படம், சாதி மோதல்களைத் தூண்டும் வகையில் உள்ளதாகக் கூறி கடும் எதிர்ப்பு தெரிவித்துள்ளார் புதிய தமிழகம் தலைவர் கிருஷ்ணசாமி.
அவருக்கு ஆதரவாக சில அமைப்புகளும் போராட்டதத்தில் குதித்துள்ள நிலையில், படத்துக்கு திரையுலகினர் ஆதரவு தெரிவித்துள்ளனர். இயக்குநரும் நாம் தமிழர் கட்சித் தலைவருமான சீமான் படத்துக்கு ஆதரவாகக் களமிறங்கியுள்ளார்.
பல நடிகர் நடிகைகளும் படத்துக்கு ஆதரவாகக் கருத்து தெரிவித்து வருகின்றனர்.
தேசிய விருது பெற்ற நடிகர் - தயாரிப்பாளர் தனுஷ், படத்தை ஆதரிப்பதாக ட்விட்டரில் கருத்து தெரிவித்துள்ளார். ஐ சப்போர்ட் கொம்பன் என்று அவர் தனது ட்விட்டில் தெரிவித்துள்ளார்.
Post a Comment