ஐஸ்வர்யா தனுஷ் இயக்கியுள்ள வை ராஜா வை படத்தில் ஒரு பாடல் காட்சியில் எஸ்ஜே சூர்யா நடனம் ஆடியுள்ளார்.
‘நியூ' படத்தில் நடிகராக அறிமுகமானார் எஸ்ஜே சூர்யா. ஆரம்பத்தில் விமர்சனங்களைச் சந்தித்தாலும், தனது தன்னம்பிக்கை மூலம் அதை வென்று ஒரு நடிகராக தன்னை நிலை நிறுத்திக் கொண்டார்.
இவரை வெளிப்படங்களிலும் நாயகனாக அல்லது முக்கிய பாத்திரத்தில் நடிக்க வைத்துள்ளனர். நண்பனில் கெஸ்ட் ரோலில் வந்தார். இவருக்காக இவர் பாணியிலேயே காட்சியை வைத்திருப்பார் ஷங்கர்.
தற்போது வை ராஜா வை படத்தில் ஒரு பாடலுக்கு நடனம் ஆடியிருக்கிறார் எஸ்.ஜே.சூர்யா. ஐஸ்வர்யா தனுஷ் இயக்கத்தில் கௌதம் கார்த்திக் நடித்துள்ள இந்தப் படத்தில் அவரது நடனம் பலரையும் கவரும் என்கிறார் ஐஸ்வர்யா.
அவர் கூறுகையில், "எஸ்.ஜே.சூர்யாவின் நடிப்பு, நடனம் எனக்கு மிகவும் பிடிக்கும். அவரை இப்படத்தில் ஒரு பாடலுக்கு நடனம் ஆட வைத்தால் நன்றாக இருக்கும் என்று நினைத்தேன். இதைப்பற்றி எஸ்.ஜே.சூர்யாவிடம் சொன்னதும் அவர் உடனே நடனம் ஆட ஒப்புக்கொண்டார்," என்றார்.
Post a Comment