இளையராஜாவுக்கு மாற்று என்று யாருமில்லை. இன்னொரு முறை இப்படி ஒரு கேள்வியை என்னிடம் கேட்க வேண்டாம், என கோபமாக பதிலளித்தார் ஏஆர் ரஹ்மான்.
அமைதியானவராக, சாந்த சொரூபியாகத்தான் ஆஸ்கர் நாயகன் ரஹ்மானைப் பெரும்பாலானோர் பார்த்திருப்பார்கள். ஆனால் சமீபத்தில் அவர் சிறப்பு விருந்தினராகப் பங்கேற்ற நிகழ்ச்சி ஒன்று சென்னையில் நடந்தது.
இந்த நிகழ்ச்சிக்கு வந்திருந்த மீடியாக்காரர்கள், ரஹ்மான் உள்ளே நுழைந்ததும் ஒரு கேள்வியை எழுப்பினர்.
நீங்கள்தான் அடுத்த இளையராஜா என்பதைக் கேட்கும்போது எப்படி உணர்கிறீர்கள்? என்றனர்.
சட்டென்று நிமிர்ந்து ரஹ்மான், "இன்னொரு முறை இப்படிச் சொல்லாதீர்கள். இளையராஜாவுக்கு மாற்றே கிடையாது. அவர் இடத்தில் யாரையும் வைக்கவும் முடியாது. இந்த மாதிரி முட்டாள்தனமான கேள்விகளை என்னிடம் கேட்டு என்னிடமிருந்து எதையாவது பதிலாகப் பெற்று விடலாம் என நினைக்காதீர்கள்," என்றார் ஆவேசமாக.
ஆடிப் போனார்கள் சுற்றியிருந்தவர்கள். கேள்வி கேட்டவரும் மன்னிப்புக் கேட்டுக் கொண்டார்.
Post a Comment