எலி படத்தை சமூக வலைத் தளங்களில் பிரபலப்படுத்த ஒரு தனி குழுவையே நியமித்துள்ளார் வடிவேலு.
வடிவேலு நாயகனாக நடித்து வரும் புதிய படம் எலி. இதில் வடிவேலு ஜோடியாக சதா நடிக்கிறார். வழக்கமாக வடிவேலுவுடன் நடிக்கும் நடிகர்களும் நடிக்கிறார்கள்.
இந்தப் படத்தின் முதல் போஸ்டர் மற்றும் புகைப்படங்களை சமீபத்தில் வெளியிட்டனர்.
முழுக்க முழுக்க நகைச்சுவைப் படமாக உருவாகி வரும் எலியை சமூக வலைத் தளங்களில் பிரபலப்படுத்த தனி குழுவையே நியமித்துள்ளாராம் வடிவேலு.
'பேஸ்புக்கு, டுவிட்டரு, வாட்ஸப்பு, யு ட்யூபு என பார்க்கிற இடங்களிலெல்லாம் எலியை கொண்டு போங்கப்பா' என அந்தக் குழுவினருக்கு உத்தரவும் போட்டிருக்கிறாராம்.
சமீபத்தில் இந்தக் குழு வடிவேலுவை நேரில் போய்ச் சந்தித்து, எலி படத்துக்காக உருவாக்கப்பட்ட பக்கஙகளைக் காட்டினர். சமூக வலைத் தளப் பக்கங்களை அதிகாரப்பூர்வமாக வெளியிட்டார் வடிவேலு. அவர்களுடன் நின்று வடிவேலுவும் புகைப்படங்கள் எடுத்துக் கொண்டார்.
இந்த நிகழ்ச்சியின்போது படத்தின் இயக்குநர் யுவராஜ் தயாளனும் உடனிருந்தார்.
கோடை ஸ்பெஷலாக வருகிறது எலி.
Post a Comment