சென்னை :தூங்கா வனம் படத்தின் முதல் பார்வை போஸ்டர்களை ஹைதராபாத்தில் வெளியிட்டு இருக்கிறார் நடிகர் கமல்ஹாசன். இதில் ஒரு போஸ்டரில் கமல்ஹாசன், நாயகிக்கு உதட்டு முத்தம் கொடுப்பது போல உள்ளது.
இப்படத்தின் ஷூட்டிங் இன்று முதல் ஹைதராபாத்தில் தொடங்க இருப்பதால் அங்கு உள்ள தெலுங்கு பத்திரிக்கையாளர்களை சந்தித்து அவர்கள்முன்னிலையில் படத்தின் பர்ஸ்ட் லுக்கை வெளியிட்டார் கமல்.
முதல் லுக் வித்தியாசமாக இருக்கிறது. ஆக்ஷன் மற்றும் ரொமான்ஸ் என இரு வித கலவையை இந்த போஸ்டர்களில் வெளிப்படுத்தியுள்ளார் கமல். ஒரு போஸ்டரில் நாயகிக்கு மிக நெருக்கமாக நின்று முகத்துடன் முகம் பொருத்தி முத்தம் பதிப்பது போல காட்சி உள்ளது.
தமிழ், தெலுங்கு என இரு மொழிகளிலும் படம் எடுத்தாலும் உத்தம வில்லன் படத்திற்குப் பின்னர் தூங்காவனத்தை கையில் எடுத்துள்ளார்.
தமிழில் தூங்கா வனம், தெலுங்கில் சீகட்டி ராஜ்ஜியம் என பெயரிட்டப்பட்டு உள்ள இந்தப் படத்தில் த்ரிஷா மற்றும் பிரகாஷ் ராஜ் முக்கிய கதாபாத்திரங்களில் நடிக்கிறார்கள்.
ஹைதராபாத்தில் இன்று தொடங்கும் படப்பிடிப்பு தொடர்ந்து 40 நாட்கள் நடைபெற உள்ளது. படத்தை கமலின் நீண்ட நாள் உதவியாளரான ராஜேஷ் இயக்க இருக்கிறார். ராஜ்கமல் பிலிம்ஸ் தயாரிக்கிறது.
Post a Comment