பைரேட்ஸ் ஆப் கரீபியன் படத்தில் நடிக்கும் புகழ்பெற்ற ஜாக் ஸ்பேரோவின் முதல் தோற்றப் படம் இன்று வெளியாகியுள்ளது.
உலகம் முழுவதும் உள்ள ரசிகர்களால் மிகவும் எதிர்பார்க்கப்படும் படம் 'பைரேட்ஸ் ஆப் கரீபியன் - டெட் மென் டெல் நோ டேல்ஸ்'.
இந்தப் படத்தின் கதாநாயகனான கேப்டன் ஜாக் ஸ்பேரோவின் தோற்றம், ஸ்டைல் அனைத்தும் ரசிகர்களால் பெரிதும் விரும்பப்படுபவை.
கேப்டன் ஜாக்காக, சற்றே கிறுக்குத்தனம் கொண்டவராக நடித்தவர் ஹாலிவுட் நடிகர் ஜானி டேப். மிகவும் சாதாரண நடிகராக இருந்த அவர், பைரேட்ஸ் ஆஃப் கரீபியன் தொடர் படங்களில் நடித்த பிறகு புகழின் உச்சத்துக்குப் போய்விட்டார்.
இதுவரை 4 பாகங்கள் வெளிவந்துள்ளன. இப்படத்தின் 5-வது பாகத்தின் படப்பிடிப்பு தற்போது நடந்து வருகிறது. இந்த படத்தின் முதல் புகைப்படத்தை அதன் தயாரிப்பாளர் தனது ட்விட்டர் பக்கத்தில் வெளியிட்டுள்ளார்.
அந்த புகைப்படத்தில் கேப்டன் ஜாக் ஸ்பேரோவை, இருவர் பெரிய கயிற்றால் கட்டியப்படி இருக்க, அவர் தனது வழக்கமான குறும்பு பார்வையுடன் உள்ளார்.
இப்படம் இந்த ஆண்டு கோடையில் வெளியாகவிருக்கிறது.
Post a Comment