தனது அடுத்த படமான காக்கிச் சட்டையில் மீண்டும் போலீஸ் யூனிபார்ம் அணிந்து நடிக்கிறார் கமல் ஹாஸன்.
உத்தம வில்லன் படத்துக்குப் பிறகு பாபநாசம், விஸ்வரூபம் 2 ஆகிய இரு கமல் படங்கள் வெளிவரவுள்ளன. இந்த இரண்டு படங்களின் படப்பிடிப்புகளும் முடிவடைந்து விட்டன. ஜூன் மாதமே பாபநாசம் வரவிருக்கிறது.
தயாரிப்பாளர் ஆஸ்கர் ரவிச்சந்திரன் சொத்துகள் பறிமுதல் செய்யப்பட்டுள்ளதால், விஸ்வரூபம் 2 படத்தின் நிலை என்னவென்பது தெரியவில்லை. ஒருவேளை கமலே அதை மீண்டும் கையிலெடுத்து வெளியிடுவாரா என்பது விரைவில் தெரிய வரும்.
இந்த நிலையில்தான் கமலிடம் உதவி இயக்குநராகப் பணியாற்றிய ராஜேஷ் இயக்கும் 'ஓர் இரவு' படத்தில் நடிக்க ஒப்புக் கொண்டுள்ளார். இதில் போலீஸாக நடிக்கிறார் கமல். இதற்கும் ஜிப்ரான்தான் இசையமைக்கிறார்.
த்ரிஷா கதாநாயகியாக நடிக்கிறார். முக்கிய கதாபாத்திரத்தில் பிரகாஷ் ராஜ் நடிக்கிறார்.
வேட்டையாடு விளையாடு படத்துக்குப் பிறகு இப்போதுதான் மீண்டும் போலீஸ் வேடம் போடுகிறார் கமல்.
Post a Comment