சென்னை: சிவகார்த்திகேயன் நடிப்பில் வெளிவர இருக்கும் ரஜினி முருகன் திரைப் படத்தின் இசை வெளியீட்டு விழா ரசிகர்கள் முன்னிலையில் மதுரையில் நடத்தப்பட இருப்பதாக செய்திகள் வெளியாகி உள்ளன.
சிவகார்த்திகேயன், இயக்குனர் பொன்ராம், இசை அமைப்பாளர் இமான் மற்றும் நடிகர் சூரி கூட்டணியில் உருவான வருத்தப்படாத வாலிபர் சங்கத்தின் மாபெரும் வெற்றிக்குப் பின்னர் மீண்டும் நான்கு பேரும் இணைந்துள்ள ரஜினி முருகன் படத்திற்கு மாபெரும் எதிர்பார்ப்பு ரசிகர்கள் மத்தியில் உருவாகியுள்ளது.
படத்தைப் பற்றி நடிகர் சிவகார்த்திகேயன் தனது ட்விட்டர் பக்கத்தில் ஜூன் 7 ம் தேதி இசை வெளியிடப்படும், ரம்ஜான் தினத்தன்று படம் வெளியாகும் என்று டிவிட்டி இருந்தார்.சொன்னது போலவே இப்போது இசை வெளியீட்டை மதுரையில் நடத்துவது உறுதி செய்யப்பட்டுள்ளது.
ரஜினி முருகன்னு பேரு வச்சிருக்கிறதப் பாத்தா ஒருவேளை அடுத்த சூப்பர் ஸ்டார் சிவகார்த்திகேயன்னு சொன்னாலும் சொல்லிடுவாங்களோ...!
Post a Comment