வெளியான 13 நாட்களில் 1 பில்லியன் டாலர்கள் வசூலைக் குவித்து, ஃபாஸ்ட் அன்ட் ஃப்யூரியஸ் படத்தின் சாதனையை முறியடித்தது ஜூராஸிக் வேர்ல்ட்.
டைனோசர்களை மையமாக வைத்து எடுக்கப்பட்ட ஜூராசிக் பார்க்கின் நான்காவது பாகம் இந்தப் படம். முதல் இரு பாகங்களை இயக்கிய ஸ்டீவன் ஸ்பீல்பெர்க் இந்தப் படத்துக்கு நிர்வாகத் தயாரிப்பாளராகப் பணியாற்றியுள்ளார்.
கடந்த ஜூன் 10-ம் தேதி இந்தப் படம் வெளியானது. இந்தியாவில் 11-ம் தேதி வெளியானது. உலகெங்கும் இந்தப் படம் வசூலைக் குவித்து வருகிறது.
'ஜுராசிக் வேர்ல்ட்' திரைப்படம் ரிலீசான 13 நாட்களில் 1 பில்லியன் அமெரிக்க டாலர்களை (இந்திய மதிப்புக்கு சுமார் 6,353 கோடி ரூபாய்) வசூலித்து சாதனை படைத்துள்ளது. இதில் அமெரிக்காவில் மட்டும் 585 மில்லியனைக் குவித்துள்ளது இந்தப் படம்.
இந்தப் படம் வெளியான 4 நாட்களில், இதற்கு முந்தைய வசூல் சாதனை படைத்த ‘ஹாரி பாட்டர் அன்ட் தி டெத்லி ஹால்லோஸ் பாகம்-2' படத்தின் சாதனையை தகர்த்தெறிந்தது.
தற்போது வெளியாகியுள்ள தகவலின்படி இந்த ஆண்டு வெளிவந்த பாஸ்ட் அண்டு பியூரியஸ் 17 நாட்களில் 1 பில்லியன் அமெரிக்க டாலர்களை வசூலித்து சாதனைப் படைத்திருந்தது. இந்த சாதனையை 13 நாட்களில் முறியடித்துள்ளது ஜுராசிக் வேர்ல்ட். விரைவில் ஜப்பானிலும் இந்த படம் வெளியாகிறது.
யுனிவர்சல் ஸ்டுடியோவின் 103 ஆண்டு வரலாற்றில் ஜூராசிக் பார்க்தான் மிக அதிக வசூலைக் குவித்த சாதனைப் படமாகும்.
Post a Comment