தூங்காவனம் படத்துக்குப் பிறகு கமல் ஹாஸன் தயாரித்து இயக்கவிருக்கும் புதிய படத்துக்கு தலைவன் இருக்கிறான் என்று தலைப்பிடப்பட்டுள்ளது.
இந்தப் படத்தின் இந்தி பதிப்புக்கு அமர் ஹைன் என்று தலைப்பிட்டுள்ளார்.
கமல் தற்போது ‘தூங்காவனம்' படத்தில் நடித்து வருகிறார். தமிழ், தெலுங்கில் ஒரே நேரத்தில் உருவாகும் இப்படத்தில் த்ரிஷா கதாநாயகியாக நடித்து வருகிறார்.
இப்படத்திற்கு பிறகு கமல் நடிக்கும் படம் தமிழ், இந்தியில் உருவாகிறது. தமிழ்ப் படத்துக்கு ‘தலைவன் இருக்கிறான்' என்ற தலைப்பையும், இந்தி வடிவத்துக்கு ‘அமர் ஹைன்' என்ற தலைப்பையும் அறிவித்துள்ளனர்.
இந்தப் படத்தில் பாலிவுட் நடிகர் சயீப் அலிகான் நடிப்பது ஏற்கெனவே உறுதி செய்யப்பட்டு விட்டது. இந்நிலையில், தெலுங்கு மற்றும் மலையாள சினிமா முன்னணி நடிகர்களும் இப்படத்தில் நடிக்கவுள்ளதாகக் கூறப்படுகிறது.
இதுகுறித்து அதிகாரப்பூர்வ தகவல்கள் விரைவில் அறிவிக்கப்பட உள்ளன.
Post a Comment