காக்கா முட்டை படத்தைத் தயாரிக்க மிஞ்சிப் போனால் ரூ 50 லட்சம் செலவழித்திருப்பார்களா என்பதே சந்தேகம்தான்.
அந்தப் படத்தை சர்வதேச திரைப்பட விழா எடுத்துச் செல்ல கொஞ்சம் செலவாகியிருந்தாலும், பல விழாக்களில் பரிசுகளை வென்று ஈடு கட்டிவிட்டது.
இப்போது திரையரங்குகள் மூலம் வசூல் கூரையைப் பிய்த்துக் கொண்டு கொட்டுகிறதாம்.
வெளியாகி 5 நாட்களில் இந்தப் படம் ரூ 5 கோடியைக் குவித்துள்ளது.
தமிழ்நாட்டில் 109 திரையரங்குகளிலும், பிற பகுதிகளில் 170 திரையரங்குகளிலும் வெளியான இந்தப் படம் வெளியான வெள்ளிக்கிழமை 90 லட்சம் வசூலித்தது. சனிக்கிழமை - ரூ. 1.10 கோடி, ஞாயிறு - ரூ. 1.35 கோடி, திங்கள் - ரூ. 85 லட்சம், செவ்வாய் - ரூ. 82 லட்சம் என வசூலித்து சாதனை செய்துள்ளது.
திங்கள் மற்றும் செவ்வாய் கிழமைகளிலும் பல திரையரங்குகளில் அரங்கு நிறைந்த காட்சிகளாக ஓடியது பலரையும் வியக்க வைத்துள்ளது. தொடர்ந்து பல மல்டிபிளெக்ஸ்களில் காட்சிகள் அதிகமாக்கப்பட்டும், பெரிய திரையரங்குக்கு மாற்றப்பட்டும் வருவது குறிப்பிடத்தக்கது.
Post a Comment