ஆமீர்கானின் பிகே சாதனையை ஒரு விஷயத்தில் தகர்த்துள்ளது விஜய்யின் புலி.
பிகேவின் முதல் தோற்றப் போஸ்டர்கள் வெளியானபோது அதைப் பதிவிறக்குவதில் ஏக ஆர்வம் காட்டினர் ரசிகர்கள். இப்போது அதைவிட அதிகமானோர் புலியின் முதல் தோற்றப் போஸ்டரை பதிவிறக்கம் செய்துள்ளனர். இணையத்தில் அதிகம்பேரால் டவுன்லோடு செய்யப்பட்ட போஸ்டராக புலி போஸ்டர் மாறியுள்ளது.
சிம்புதேவன் இயக்கத்தில் விஜய், ஸ்ரீதேவி, ஹன்சிகா, ஸ்ருதி ஹாசன், சுதீப், தம்பி ராமையா, உள்ளிட்ட பலர் நடிப்பில் பிரம்மாண்டமாக உருவாகி வரும் ‘புலி' படத்தின் ஃபர்ஸ்ட் லுக் போஸ்டர் நேற்றைய முன் தினமும், டீஸர் நேற்றும் வெளியாகி இணையத்தில் டிரெண்டை உருவாக்கி வருகிறது.
டீஸரை மட்டும் இதுவரை 11 லட்சத்திற்கும் மேற்பட்டோர் பார்த்துள்ளனர். விஜய் படங்களில் வேறு எந்தப் பட டீசரையும் இத்தனை பேர் பார்த்ததில்லை.
Post a Comment