திருவனந்தபுரம்: மிகவும் அதிகமான பொருட்செலவில், ஏராளாமான நட்சத்திரங்கள் நடிப்பில் உருவாகி இருக்கும் பாகுபலி படம். அடுத்த மாதம் ஜூலை 10 தேதி தமிழ்,தெலுங்கு, மலையாளம் மற்றும் இந்தி மொழிகளில் படம் வெளியாகிறது , படத்தின் வெளியீட்டுத் தேதியை இந்தியத் திரை உலகமே ஆவலுடன் எதிர்பார்த்து உள்ளது.
இந்நிலையில் நேற்று மாலை கொச்சியில் மலையாள பாகுபலி படத்தின் பாடல்களை, படத்தின் நட்சத்திரங்களான பிரபாஸ், அனுஷ்கா, தமன்னா, ராஜமௌலி மற்றும் ராணா போன்றோர் கலந்து கொண்டு வெளியிட்டனர்.
தமிழ் பாகுபலி படத்தின் டப்பிங் தான் மலையாள பாகுபலி எனினும் டப்பிங் படமாக இருந்தாலும், படத்திற்கு நிறைய விளம்பரம் செய்து நேற்று பாடல்களை வெளியிட்டனர். இதில் இன்னும் ஒரு சிறப்பாக மலையாள இசை வெளியீட்டின் போஸ்டரை மிகப் பெரிதாக வடிவமைத்து கவனத்தை ஈர்த்திருக்கின்றனர்.
உலகிலேயே மிகப்பெரிய போஸ்டர் என்னும் பெருமையை இந்தப் போஸ்டர் பெற்றுள்ளது, தற்போது இந்தப் போஸ்டரை கின்னஸுக்கு அனுப்பும் முயற்சியில் இறங்கியுள்ளனர் படக்குழுவினர்.
பாகுபலி போஸ்டர் கின்னஸ் புத்தகத்தில் இடம்பெறுகிறதா என்று பார்க்கலாம்.
Post a Comment