நயன்தாரா நடித்துள்ள பேய்ப் படமான மாயாவுக்கு யு சான்று தர மறுத்த சென்சார் குழு, யூ ஏ சான்றிதழ் அளித்துள்ளது.
இது பேய்ப் பட சீஸன் என்பதால், நயன்தாராவும் தன் பங்குக்கு அப்படி ஒரு படத்தில் நடித்துள்ளார். அதுதான் மாயா. இவருடன் சூரி, அம்ஷத்கான், லட்சுமிபிரியா, சந்திரமவுலி, ரோபோ சங்கர் போன்றோரும் நடித்தனர்.
அஷ்வின் சரவணன் இயக்கினார். இதன் பட வேலைகள் முடிவடைந்து தணிக்கை குழுவுக்கு அனுப்பப்பட்டது. தணிக்கை உறுப்பினர்கள் படத்தை பார்த்து ‘யு' சான்று அளிக்க மறுத்து விட்டனர். சில காட்சிகளை நீக்கினால் யு சான்று தர பரிசீலிப்பதாகக் கூறினார்.
ஆனால் இதற்கு படக்குழு உடன்படாததால், ‘யுஏ' சான்று அளித்தனர் தணிக்கைக் குழுவினர்.
யு சான்றிதழ் கிடைத்தால்தான் அரசின் வரி விலக்கு பெற தகுதி பெறும் என்பது குறிப்பிடத்தக்கது. இப்படம் இம்மாதம் இறுதியில் ரிலீசாகிறது.
Post a Comment