ரஜினியின் கபாலி பட வேலைகள் கனஜோராக ஒரு பக்கம் நடந்து கொண்டிருக்க, இன்னொரு பக்கம் ஷங்கர் இயக்கும் எந்திரன் 2 படத்தின் பணிகள் விறுவிறுப்பாக நடந்து வருகின்றன.
எந்திரன் 2 படத்தில் ரஜினிக்கு ஜோடி யார் என்று மீடியா பெரும் அக்கப்போரே நடத்தி வருகிறது.
எந்திரனில் ஐஸ்வர்யா ராய் ஜோடியாக நடித்தார். அதனால் அவர்தான் இரண்டாம் பாகத்திலும் தொடர்வார் என்று ஒரு தரப்பு எழுதிக் கொண்டிருக்க, இல்லையில்லை கத்ரீனா கைஃப்தான் ரஜினியின் புதிய ஜோடி என்று இன்னொரு பக்கம் எழுதிக் கொண்டிருக்கிறார்கள்.
ஆனால் இந்தப் படத்தின் நாயகியாக தீபிகா படுகோன் ஒப்பந்தம் செய்யப்பட்டுள்ளதாக எந்திரன் 2 படக்குழுவிலிருந்து தகவல் கசிந்துள்ளது.
இந்தப் படத்தின் ஸ்க்ரிப்டை ஷங்கருடன் இணைந்து எழுதியிருப்பவர் எழுத்தாளர் ஜெயமோகன்.
எந்திரன் 2 திரைக்கதை வேலைகள் முழுமையடைந்துவிட்டதாக சமீபத்தில் ஜெயமோகன் கூறியிருந்தது நினைவிருக்கலாம்.
படத்தில் ரஜினிக்கு வில்லனாக நடிக்கப் போகும் நடிகர், நாயகி மற்றும் பிற தொழில்நுட்பக் கலைஞர்கள் குறித்த விபரங்களை டிசம்பரில் வெளியிடவிருக்கிறார்களாம். ஷூட்டிங்கை 2016 ஜனவரியில் தொடங்கப் போகிறார்களாம்.
அதே போல இப்போதைக்கு எந்திரன் 2 என்று அழைக்கப்பட்டாலும் படத்துக்கு வேறு தலைப்பை பதிவு செய்துள்ளாராம் ஷங்கர்.
Post a Comment