சசிகுமார்... வித்தியாசமான களங்களைத் தேர்ந்தெடுத்து சொல்லியடித்து வந்த சூப்பர் ஹிட் நடிகர், இயக்குநர் மற்றும் தயாரிப்பாளரான இவர், சுந்தர பாண்டியனுக்குப் பிறகு கொஞ்சம் சுணங்கிப் போனார்.
பிரம்மன் கவிழ்த்துவிட, தலைமுறைகள் அவார்டு மட்டும் பெற்றுத் தந்தது.
பாலாவின் தாரை தப்பட்டையில் நடிக்கப் போனவர், கிட்டத்தட்ட முழுசாக ஒரு ஆண்டை அதிலேயே செலவிட வேண்டியதாகிவிட்டது.
தாரை தப்பட்டை முடிந்ததும், இப்போது தன் அடுத்த படத்தை ஆரம்பித்துவிட்டார்.
ட்ரிடண்ட் ஆர்ட்ஸ் சார்பாக ரவிந்திரன் தயாரிக்கும் இந்தப் படத்தை வசந்தமணி இயக்குகிறார்.
வெற்றிவேல் எனப் பெயரிடப்பட்டிருக்கும் இப்படத்தில் புதுமுகம் ஒருவர் நாயகியாக நடிக்கிறார். உடன் பிரபு, தம்பி ராமையா, ரேணுகா, விஜீ மற்றும் பலர் நடிக்கின்றனர்.
டி இமான் படத்திற்கு இசையமைக்க, எஸ்ஆர் கதிர் ஒளிப்பதிவை மேற்கொள்கிறார். தஞ்சாவூரில் இப்படத்தின் படபிடிப்பு இன்று துவங்கி தொடர்ந்து நடைபெறவுள்ளது.
Post a Comment