சென்னை: புகைப்பிடிப்பது போன்ற கோலத்தில் தன்னை போஸ்டரில் சித்தரித்திருப்பதற்கு எதிர்ப்பு தெரிவித்துள்ளார் நடிகை சனாகான்.
மறைந்த கவர்ச்சி நடிகை சில்க் ஸ்மிதா வாழ்க்கையை மையமாக வைத்து நடிகையின் டைரி என்ற படம் தயாராகியுள்ளது. சில்க் ஸ்மிதா வேடத்தில் சனாகான் நடித்துள்ளார். அவருடன் சுரேஷ் கிருஷ்ணா, அரவிந்த் ஆகியோரும் நடித்துள்ளனர். அனில்குமார் இயக்கியுள்ளார். இப்படம் தமிழகத்தில் வருகிற 24-ந்தேதி ரிலீசாகிறது.
நடிகையின் டைரி படத்தில் சனாகான் புகை பிடிப்பது போன்றும் மது அருந்துவது போன்றும் காட்சிகள் உள்ளன. புகை பிடிக்கும் காட்சியை போஸ்டராக அச்சிட்டு ஒட்ட ஏற்பாடு நடந்துள்ளது. இதுபற்றிய தகவல் அறிந்ததும் சனாகான் அதிர்ச்சியானார்.
புகை பிடிக்கும் போஸ்டர்களை ஒட்டக்கூடாது என்று எதிர்ப்பு தெரிவித்தார்.
ஏற்கனவே ஒரு பிரஸ் மீட்டில் நடிகைகள் புகைப் பிடிப்பதும், மது அருந்துவதும் இன்றைக்கு அதிகரித்து வருவது வருத்தமாக உள்ளது என்று கூறி ஏகப்பட்ட சர்ச்சையில் சிக்கினார் சனாகான்.
இப்போது தன்னையே அந்தக் கோலத்தில் போஸ்டரில் போடுவதா என எதிர்ப்பு தெரிவித்துள்ளார்.
Post a Comment