உத்தம வில்லன் படத்துக்காக கமல் மற்றும் குழுவினர் ஆஸ்திரேலியா செல்கின்றனர், துருக்கி செல்கின்றனர் என வெவ்வேறு தகவல்கள் வந்த நிலையில்.. இப்போது ஷூட்டிங் சென்னையிலேயே நடக்கிறது.
கமல் ஹாஸன் திரைக்கதை எழுதி, நடிக்க அவரது நண்பர் நடிகர் ரமேஷ் அரவிந்த் இயக்கும் படம் உத்தமவில்லன். கமலுக்கு இதில் இரண்டு ஜோடிகள். பூஜா குமார், ஆன்ட்ரியா இருவரும் நடிக்கின்றனர். கூடவே பார்வதியும் உண்டு.
இந்தப் படத்தின் முதல்கட்டப் படப்பிடிப்பு சமீபத்தில் பெங்களூரில் நடந்து முடிந்தது. 21-ம் நூற்றாண்டு காலகட்டத்தில் நடக்கும் சம்பவங்களை பெங்களூரில் படமாக்கினர்.
அடுத்து 8-ம் நூற்றாண்டின் தெய்யம் கலைஞராக கமல் வரும் காட்சிகளை ஆஸ்திரேலியா அல்லது துருக்கியில் படமாக்கவிருந்தனர்.
ஆனால் அந்த படப்பிடிப்பை சென்னையிலேயே வைத்துக் கொள்வதென மாற்றிக் கொண்டார்களாம்.
அதன்படி உத்தம வில்லன் இரண்டாம் கட்டப் படப்பிடிப்பு சென்னை மற்றும் சுற்றுப் புறங்களில் நடக்கிறது.
கேன்ஸ் விழாவுக்குப் போன கமல், கடந்த ஞாயிறன்று சென்னை திரும்பினார். இப்போது உத்தம வில்லன் படப்பிடிப்பில் பிஸியாகிவிட்டார்.
