எண்பதுகள் மற்றும் தொன்னூறுகளில் சூப்பர் ஹிட்டான பல படங்களின் ஒளிப்பதிவாளர் ஏ சபாபதி இன்று மரணமடைந்தார். அவருக்கு வயது 50.
உணவு ஒவ்வாமை மற்றும் மாரடைப்பு காரணமாக அவர் மரணமடைந்தார்.
மணிவண்ணன் இயக்கிய 40 படங்களுக்கும் மேல் சபாபதிதான் ஒளிப்பதிவு செய்தார். கங்கை அமரனின் பெரும்பாலான படங்களுக்கு ஒளிப்பதிவு சபாபதிதான். அவற்றில் கரகாட்டக்காரன் குறிப்பிடத்தக்க படமாகும்.
இளம் வயதிலேயே கிட்டத்தட்ட நூறு படங்களுக்கு ஒளிப்பதிவு செய்தவர் சபாபதி.
வீட்டில் கொடுமை தாங்காமல் வெளியேறிய தெலுங்கு நடிகை திவ்யா, ரயில் நிலையத்தில் உணவு தண்ணீரின்றி மயங்கி விழுந்தார். அவரை மருத்துவமனையில் சேர்த்துள்ளனர்.
தெலுங்கில் ஒக ரொமான்டிக் க்ரைம் கதா படத்தில் கவர்ச்சியாக நடித்தவர் திவ்யா. இந்தப் ப டம் அங்கே பெரிய வெற்றியைப் பெற்றது.
சினிமாவில் ஜெயித்தாலும் வீட்டில் பல தொல்லைகளுக்கு ஆளாகிவந்தார் திவ்யா. அவர் சொத்துக்களை உறவினர்கள் அபகரித்துக் கொள்ள, சொந்த சித்தப்பாவே ஏகப்பட்ட கொடுமைகளை செய்து வந்தாராம். இதையெல்லாம் சகித்துக் கொள்ள முடியாமல், வீட்டை விட்டே ஓடிவிட்டாராம் திவ்யா.
அப்படி ஓடியவர், விசாகப்பட்டினம் ரயில் நிலையத்தில் தங்கியிருக்கிறார். அங்கே சாப்பாடு தண்ணீர் கூட வாங்க முடியாமல் அவதிப்பட்டவர், ஒரு கட்டத்தில் மயங்கி விழுந்தார்.
அவரைப் பின்னர் அடையாளம் தெரிந்து கொண்ட சிலர், மருத்துவமனையில் சேர்த்துள்ளனர். உடனிருக்கும் திவ்யாவின் அம்மா, "இனி என் மகள் மனசு கெடாமல் பாத்துக்கறோம்...," என்று சொல்லி வருகிறாராம்.
நல்ல படம் என்ற பாராட்டைப் பெற்றாலும் ஸ்ரீதேவி நடித்த 
மல்டிப்ளெக்ஸ்களில் ஓரளவு வசூல் உள்ளதாம். ஆனால் சிங்கிள் ஸ்கிரீன் எனப்படும் ஒற்றைத் திரையரங்குகளில் நிலைமை படுமோசமாக உள்ளதாம்.
தமிழைப் பொருத்தவரை நகர்ப்புறங்களில் மட்டும்தான் இந்தப் படம் வெளியாகியுள்ளது. இந்தப் படம் சிறப்பாக இருந்தாலும், படத்தைக் காப்பாற்றுவது சில நிமிடங்கள் மட்டுமே வரும் அஜீத்தான்.
படத்தின் பெரிய ஹீரோ இல்லாத குறையை அவரின் சில நிமிட தோற்றம் ஈடுகட்டுவதாக ரசிகர்கள் தெரிவித்துள்ளனர்.
லண்டன்: நடிகை கிறிஸ்டன் ஸ்டூவர்ட், தன்னைத் திட்டியும், கடுமையாக விமர்சித்தும் எழுதப்பட்ட கமெண்டுகளைத் தேடிப் பிடித்துப் படித்து தன்னைத் தானே தண்டித்துக் கொள்கிறாராம்.
படு அழகான நடிகை கிறிஸ்டன் ஸ்டூவர்ட். இவரது காதலர் நடிகர் ராபர்ட் பேட்டின்சன். இவர்களின் காதல் வாழ்க்கை ஸ்மூத்தாக போய்க் கொண்டிருந்தபோது திடீரென இயக்குநர் ரூபர்ட் சாண்டர்ஸுடன் ரகசிய உறவு கொண்டு பாட்டின்சனுக்கு அதிர்ச்சி அளித்தார் கிறிஸ்டன்.
இதனால் பாட்டின்சன், கிறிஸ்டன் ஜோடி பிரிந்தது. இருப்பினும் மின்னல் வேகத்தில் இருவரும் சமாதானமாகி இப்போது ஒன்று சேர்ந்து விட்டனர். ஆனால் பாட்டின்சனை பிரிந்திருந்த காலத்தில் மிகவும் மனம் உடைந்து போயிருந்தார் கிறிஸ்டன். இதனால் அவர் தன்னைப் பற்றி இணையதளங்களில் வெளியான செய்திகளில், வாசகர்கள் தன்னைத் திட்டியும், விமர்சித்தும் எழுதிய கமெண்டுகளைத் தேடிப் பிடித்து படிக்க ஆரம்பித்தார். இதை ஒரு வகை தண்டனையாக அவர் கூறிக் கொண்டார்.
தான் செய்த தவறுக்காக இதை ஒரு தண்டனை போல நினைப்பதாக அவர் கூறி வந்தார். இப்போது காதலருடன் இணைந்த பிறகும் கூட இந்த கமெண்ட் படிப்பதை அவர் நிறுத்தவில்லையாம். இதனால் பாட்டின்சன் கவலை அடைந்துள்ளார். அதுதான் திரும்பச் சேர்ந்து விட்டோமே, பிறகெதற்கு தண்டனை என்று கூறி கிறிஸ்டனை அவர் சமாதானப்படுத்தியுள்ளாராம்.
இருந்தாலும் கிறிஸ்டனின் மனு ஆறவில்லையாம். நான் செய்த தவறுக்கு இதுதான் சரியான தண்டனை என்று தொடர்ந்து படித்து வருகிறாராம்...
சென்னை: நடிகை சுஜிபாலா எனக்கு வேண்டாம்... திருமணத்தை ரத்து செய்கிறேன் என்று அறிமுக இயக்குநர் ரவிக்குமார் கூறியுள்ளார்.
'உண்மை' என்ற தலைப்பில் படம் இயக்கி வரும் புதிய இயக்குநர் ரவிக்குமாருக்கும் அந்தப் படத்தில் ஹீரோயினாக நடித்த சுஜிபாலாவுக்கும் காதல் மலர்ந்தது.
இருவரும் பெற்றோர் சம்மதத்துடன் திருமணம் செய்துகொள்ள முடிவெடுத்தனர். நாகர்கோவிலில் நிச்சயதார்த்தம் நடந்தது.
பிறகு இருவருக்கும் திடீர் கருத்து வேறுபாடு ஏற்பட்டது. இதனால் சுஜிபாலா தற்கொலைக்கு முயன்றார். ஆனால் இதை மறுத்து சுஜிபாலா, நிச்சயிக்கப்பட்டபடி ரவிக்குமாரை திருமணம் செய்வேன் என்றார்.
இந்த நிலையில் இரு தினங்களுக்கு முன் நாகர்கோவில் வைத்தியநாதபுரத்தில் உள்ள சுஜிபாலா வீட்டுக்கு ரவிக்குமார் திடீரென்று சென்றார். அப்போது சுஜிபாலாவுக்கும் அவருக்கும் சண்டை ஏற்பட்டதாம்.
திருமணத்துக்கு மறுத்ததுடன் சுஜிபாலைவை பிடித்து தள்ளிவிட்டு வீட்டை விட்டு அவர் வெளியேறிவிட்டதாக கூறப்பட்டது. அப்போது வீட்டில் இருந்த சில ஆவணங்களை எடுத்துச் சென்றுவிட்டாராம்.
இந்த நிலையில் இயக்குனர் பி.ரவிக்குமார் சொந்த ஊரான காஞ்சிபுரத்தில் செய்தியாளர்களைச் சந்தித்து, திருமணம் ரத்தாகிவிட்டதாக கூறினார்.
அவர் மேலும் கூறுகையில், "எனக்கும் சுஜிபாலாவுக்கும் இரு வீட்டு பெற்றோர் சம்மதத்துடன் நாகர்கோவிலில் நிச்சயதார்த்தம் நடந்தது. ஆனால் தற்போது எங்கள் இருவருக்குமே கருத்து வேறுபாடு ஏற்பட்டுள்ளது. இதனால் இருவரும் பிரிந்துவிட்டோம். திருமணம் ரத்தாகிவிட்டது. இனி எனக்கும் சுஜிபாலாவுக்கும் எந்த உறவோ தொடர்போ இல்லை," என்றார்.
மும்பை: எனக்கு டென்ஷன் அதிகமானா, மனச் சோர்வு ஏற்பட்டா உடனே செக்ஸ் வச்சுக்குவேன். அதன் பிறகு மனசும், உடம்பும் லேசாயிடும் என்று கூறியுள்ளார் பாலிவுட் கவர்ச்சி நடிகை காஷ்மீரா ஷா.
தெலுங்கு சினிமாவைக் கலக்கிய கவர்ச்சி நடிகை காஷ்மீரா ஷா. இப்போது பாலிவுட்டில் மையம் கொண்டுள்ள இந்தக் கவர்ச்சிப் புயல் படு வெளிப்படையாக பேசக் கூடியவர்.
செக்ஸ் குறித்து அவர் கூறுகையில், எனக்கு நேரம் காலம், மன நிலை என்றெல்லாம் இல்லை. தோ்ணும்போது வைத்துக் கொள்வேன். குறிப்பாக மன அழுத்தம், டென்ஷன், சோர்வு ஏற்படும்போது தவறாமல் வைத்துக் கொள்வேன்.
பிறகு எதுக்கு பாய் பிரண்ட். எனது பாய் பிரண்ட் நான் எப்போது கூப்பிட்டாலும் வருவார். அவருடன் உறவு கொள்வதன் மூலம் என்னைப் புதுப்பித்துக் கொள்வேன். படுக்கை அறையில் ஒருவர் சந்தோஷமடைந்தால், அவர் எல்லாக் காரியங்களிலும் வெற்றிகரமாக திகழ முடியும். இது எனது அனுபவம்
என்று கூறுகிறார் காஷ்மீரா .
மேலும் அவர் கூறுகையில், எனக்கு 20 வயது இருக்கும்போதே நான் கன்னித்தன்மையை இழந்து விட்டேன். அதற்காக நான் வருத்தமெல்லாம் படவில்லை. அது இயற்கையானதுதான். என்னுடன் முதல் முறை உறவு வைத்துக் கொண்டவர் சினிமாத் துறையைச் சேர்ந்தவர் இல்லை என்று அதிரடியாக பேசுகிறார் காஷ்மீரா.
காஷ்மீரா கடந்த 6 வருடங்களாக கிருஷ்ணா என்பவருடன் கல்யாணம் செய்து கொள்ளாமலேயே வாழ்க்கை நடத்தி வருகிறார் என்பது குறிப்பிடத்தக்கது.
பிக் பாஸ் நிகழ்ச்சியைத் தொகுத்து வழங்க சல்மான்கானுக்கு ஒரு எபிசோடுக்கு 4 கோடி ரூபாய் சம்பளம் கொடுக்கப்படுவதாக தகவல் வெளியாகியுள்ளது. கடந்த சீசனைக் காட்டிலும் இந்த சீசனில் ஒரு கோடி ரூபாய் அதிகமாம்.
அமிதாப்பச்சன், ஷாருக்கான், அமீர்கான், சல்மான்கான் ஆகிய பாலிவுட் சூப்பர்ஸ்டார்கள் சின்னத்திரை தொகுப்பாளர்களாக களம் இறங்கியுள்ளனர். நிகழ்ச்சி பிரபலமடைகிறதோ இல்லையோ நடிகர்களின் காட்டில் பணமழைதான். ஒரு எபிசோடுக்கு கோடிக்கணக்கில் கொட்டிக்கொடுக்கின்றனர் நிகழ்ச்சி தயாரிப்பாளர்கள். பிக் பாஸ் சீசன் 6 தொகுத்து வழங்கும் சல்மான் கானுக்கு ஒரு எபிசோடுக்கு 3.8 கோடி ரூபாய் முதல் 4 கோடி ரூபாய் வரை சம்பளம் தர முன்வந்துள்ளனர் நிகழ்ச்சி தயாரிப்பாளர்கள். இதன் மூலம் சின்னத்திரை நிகழ்ச்சிகளை தொகுத்து வழங்கும் பாலிவுட் நடிகர்களின் வரிசையில் அதிக சம்பளம் வாங்கும் நடிகர் என்ற பெயரை பெற்றுள்ளார் சல்மான்கான்.
அமீர்கானும், ஷாருக்கானும் சின்னத்திரை நிகழ்ச்சிக்காக ஒரு எபிசோடுக்கு 3 கோடி சம்பளம் பெற்றனர். ஹிருத்திக் ரோஷன் 2 கோடி ரூபாயும், அக்சய் குமார் 1.5 கோடி ரூபாயும் பெற்றனர். அமிதாப்பச்சன் கோன் பனேகா குரோர்பதி சீசன் 3 நிகழ்ச்சியை தொகுத்து வழங்க 100 கோடி ரூபாய் வழங்கினார்கள்.
பிக் பாஸ் சீசன் 5ல் சல்மான்கானுடன் சஞ்சய் தத் இணைந்து நிகழ்ச்சியை தொகுத்து வழங்கினார். இந்த சீசன் 6ஐ சல்மான்கான் தனியாக தொகுத்து வழங்குகிறார் என்பது குறிப்பிடத்தக்கது.
மலையாளப் பட உலகில் சூப்பர் ஸ்டார்களையே பதற அடித்த ஷகீலா இப்போது காமெடி நடிகையாக கலக்கி வருகிறார். அரசியல் பிரமுகருடன் திருமணம், சினிமாவுக்கு முழுக்கு என மீடியாக்களில் செய்தி அடிப்பட்ட நிலையிலும் தனக்கு கல்யாணம் என்றால் அலர்ஜி, தனியாக இருப்பதுதான் ஜாலி என்று பேட்டி தருகிறார்.
சினிமாவில் இருந்து விலகிவிடலாம் என்று நினைத்திருந்த நிலையில் சம்பாதித்த பணத்தை எல்லாம் உறவினர்களே ஏமாற்றி விட்டதாக நொந்து போய் கூறும் ஷகீலா. அடுத்த வேளை சாப்பாட்டிற்கு கூட நான் நடித்தால்தான் காசு என்ற நிலை வந்த காரணத்தால்தான் மறுபடியும் நடிக்க வந்ததாக கூறியுள்ளார்.
இப்போது ‘உண்மை' என்ற படத்தில் நடித்து வரும் ஷகீலா ஷூட்டிங்கில் கூடிய கூட்டத்தைப் பார்த்து அசந்து விட்டாராம். இதனால் அரசியல் ஆசை வந்து தவிக்கும் ஷகீலா கூடிய விரையில் ஏதாவது கட்சியில் சேர்ந்தாலும் ரசிகர்கள் ஆச்சரியப்படவேண்டாம்.
ஷகீலாவை வரவேற்க எந்தக் கட்சிக்கு கொடுத்து வைத்திருக்கிறதோ....
டெல்லி: கரீனா கபூர் - சயீப் அலிகான் திருமணம்தான் இன்றைக்கு ஹாட் டாபிக்காகிவிட்டது.
நாட்டின் அத்தனை விவிஐபிக்களையும் திருமணத்துக்கு அழைத்துள்ளனர். இதில் முக்கியமானவர் குடியரசுத் தலைவர் பிரணாப் முகர்ஜி. அழைப்பை ஏற்றுக் கொண்ட பிரணாப், நிச்சயம் பங்கேற்பதாக உறுதியளித்துள்ளார்.
இந்த திருமணத்துக்காக பட்டோடி அரண்மனை பல கோடி ரூபாய் செலவில் புதுப்பிக்கப்பட்டுள்ளது. மும்பையிலும், டெல்லியிலும் திருமண வரவேற்பு நிகழ்ச்சிகள் நடக்க உள்ளன.
பாரம்பரியமிக்க அரண்மனை நகைகள் தவிர, பல கோடி ரூபாய்க்கு புதிய நகைகள் வாங்கியுள்ளனர் கரீனாவுக்காக. பிரபல ஆடை வடிவமைப்பாளர் ரிதுகுமார்தான் முகூர்த்த சேலையை தயார் செய்து வருகிறார்.
திருமணத்தில் அரசியல்வாதிகள், நடிகர்கள், நடிகைகள், தொழில் அதிபர்கள் பங்கேற்கின்றனர்.
சயீப்பின் தாயார் சர்மிளா தாகூர் குடியரசுத் தலைவர் மாளிகைக்கு சென்று பிரணாப் முகர்ஜியிடம் திருமண அழைப்பிதழை நேரில் கொடுத்து அழைப்பு விடுத்தார்.
அவரும் திருமணத்துக்கு வருவதாக உறுதி அளித்துள்ளராம். பிரணாப் முகர்ஜியும், மன்சூர் அலிகான் பட்டோடியும் நீண்ட கால நண்பர்கள் என்பது குறிப்பிடத்தக்கது.
பட்டோடி அரண்மனை படங்கள்
எந்த ஒரு விஷயத்துக்கும், அதற்கு முந்தைய நிகழ்வு அல்லது படைப்புதான் இன்ஸ்பிரேஷன் என்பது மறுக்க முடியாத உண்மைதான்.
ஏதாவது ஒரு ஆங்கிலப் படத்தைப் பார்க்க வேண்டியது.. அதை அப்படியே சீன் பை சீன் உருவி தமிழ்ப் படமாக்குவதுதான் இவர்களின் பாணி. முன்னணி இயக்குநர்கள் என்று சொல்லிக் கொள்பவர்கள் கூட இதற்கு விலக்கில்லை.
தெய்வத் திருமகள் படத்தைப் பார்த்துவிட்டு சராசரி ரசிகன் பாராட்ட, சினிமா தெரிந்தவர்களோ தெய்வத் திருட்டு மகள் என்று திட்டிக் கொண்டுதான் இருந்தார்கள். காரணம் ஐயாம் சாம் படத்தின் அப்பட்டமான காப்பியாக அமைந்தது அந்தப் படம்.
கஜினி படம் பெரும் வெற்றிப் பெற்றாலும், அது ஏற்கெனவே வந்த மொமன்டோவிலிருந்து உருவப்பட்டது என்பது வெட்ட வெளிச்சமாகியது.
இப்படி ஏகப்பட்ட படங்களை பட்டியல் போடலாம்.
சொந்த சரக்கு இருந்தாலும், ஒரு படத்தில் ஏதாவது நல்ல சீன் இருந்தால் அதை அப்படியே எடுத்தாள்வது நம்மவர்களின் வழக்கமாகிவிட்டது.
இதில் லேட்டஸ்டாக சேர்ந்திருப்பது, கஜினி புகழ் முருகதாஸ் இயக்க, விஜய் நடிக்கும் துப்பாக்கி.
இந்தப் படத்தின் தலைப்பு, தலைப்பின் டிசைன் எல்லாம் எங்களைப் பார்த்து காப்பியடித்து வைக்கப்பட்டது என ஒருவர் கேஸ் போட்டு, அதிலிருந்து இப்போதுதான் மீண்டு வந்திருக்கிறார்கள்.
இந்த நிலையில் படத்தின் முதல் அதிகாரப்பூர்வ விளம்பர டிசைன் இன்று வெளியானது. அதில் விஜய் ராணுவ உடையில், காஜல் அகர்வாலைத் தூக்கிக் கொண்டு நிற்கிறார். காஜல் அகர்வால் தலையில் விஜய்யின் மிலிட்டரி தொப்பி.
அப்படி கட் பண்ணுங்க... An Officer and a Gentleman என்று ஒரு படம். 1982-ல் வெளிவந்து பெரும் வெற்றி பெற்ற ஹாலிவுட் படம்.
அதில் ஹீரோ கடற்படை வீரன். தன் காதலியை தூக்கிக் கொண்டு நிற்பார். காதலி தலையில் அவனது கடற்படை தொப்பி!!
தமிழ் சினிமா ஹாலிவுட்டை தொட்டுடுச்சாம்.. ஹய்யோ ஹய்யோ!
இந்தத் தலைமுறை சினிமா ரசிகர்களை ரொம்பவே மயக்கிய இசையமைப்பாளர் - இயக்குநர் என்றால்... அது யுவன் சங்கர் ராஜா - செல்வராகவன் கூட்டணிதான்.
துள்ளுவதோ இளமையில் தொடங்கி, காதல் கொண்டேன், 7ஜி ரெயின்போ காலனி, புதுப்பேட்டை ஆகிய படங்களின் இசை தமிழ் சினிமாவைக் கலக்கியது. இந்த படங்களின் பாடல்கள் அனைத்துமே இப்போதும் இளைஞர்களால் கொண்டாடப்பட்டு வருகிறது.
பின்னர் ஏற்பட்ட கருத்து வேறுபாடு காரணமாக பிரிந்தனர். ஆயிரத்தில் ஒருவன், மயக்கம் என்ன ஆகிய படங்களுக்கு ஜி.வி.பிரகாஷுடன் கைகோர்த்தார் செல்வா. இந்த இரு படங்களுமே பெரிதாக பேசப்படாமல் போயின.
அடுத்து இரண்டாம் உலகம் படத்தில் ஹாரிஸ் ஜெயராஜுடன் இணைந்துள்ளார் செல்வராகவன்.
இந்த நிலையில் தற்போது யுவனும் செல்வாவும் மீண்டும் இணைந்துள்ளனர். இரண்டாம் உலகம் படத்தினைத் தொடர்ந்து சிம்புவை வைத்து ஒரு படம் இயக்குகிறார் செல்வராகவன்.
இப்படத்திற்கு யுவன் இசையமைக்க சம்மதம் தெரிவித்துள்ளார். இதுகுறித்து ஏற்கெனவே தனது பேஸ்புக் பக்கத்தில் தகவல் வெளியிட்டிருந்தார் யுவன்.
ரஜினி கேட்டும் கூட, பாலச்சந்தரின் படத்துக்கு இசையமைக்க மறுத்துவிட்டேன் என்று இசைஞானி இளையராஜா கூறியுள்ளார்.
பிரபல வார இதழில் இளையராஜா வாசகர்களின் கேள்விகளுக்கு பதிலளித்து வருகிறார். புதுப்புது அர்த்தங்கள் படத்துக்குப் பிறகு பாலச்சந்தர் படங்களுக்கு அவர் இசையமைக்காமல் போனது, அதுவும் ரஜினி கேட்டும் கூட இசையமைக்க மறுத்தது பற்றி வாசகர் கேட்ட கேள்விக்கு அவர் பதிலளித்துள்ளார்.
அந்த கேள்வி பதில்:
கேள்வி: புது புது அர்த்தங்கள் படத்திற்கு பிறகு நீங்கள் பாலசந்தர் படங்களுக்கு இசையமைக்கவில்லையே, ஏன்?
பதில்: புது புது அர்த்தங்கள் படத்திற்கு ரீரெக்கார்டிங் நடக்க வேண்டிய நேரத்தில் இங்கே ஸ்ட்ரைக் இருந்தது. அதனால் சிவா என்கிற படத்துக்காக நான் பாம்பே போயிருந்தேன். அப்போ கவிதாலயாவிலிருந்து அனந்தும் நடராஜனும் வந்து என்னைச் சந்திச்சாங்க.
'சார் படம் ரிலீஸ் ஃபிக்ஸ் பண்ணியாச்சு. ஆனால் ஸ்டிரைக் நடந்துகிட்டிருக்கு. நீங்களும் பாம்பேயிலிருந்து வர முடியாது. நாங்க உங்களுக்காக காத்திருந்து ரெக்கார்ட் பண்ணுறதுக்கும் டைம் இல்லாமல் இருக்கு. அதனால் நாங்க ட்ராக் எடுத்து போட்டுக்குறோம்,' என்றார்கள்.
'அப்போ உங்களுக்கு டைட்டிலில் இளையராஜா என்று பெயர் மட்டும்தான் போட வேண்டும். என் மியூசிக் உங்களுக்கு தேவையில்லைன்னு தெரியுது. என்னோட பெயரை வியாபாரத்திற்காக பயன்படுத்திக்கப் போறீங்க. இதுக்கு டைரக்டரும் உடந்தையா இருக்காரு இல்ல. நீங்க பண்றதை பண்ணிக்கோங்க,' என்று சொல்லி விட்டுவிட்டேன்.
அப்புறம் ரொம்ப நாள் கழித்து கவிதாலயாவிலிருந்து வந்து மியூசிக் பண்ண சொன்னபோது 'இவங்களுக்கு நம் பெயர் மட்டும்தான் முக்கியமா இருக்கு. நம்மோட இசை இல்ல. அதனால் நாம் ஏன் மியூசிக் பண்ணணும்'னு நினைச்சேன்.
அப்புறம் ரஜினியை வெச்சு படம் எடுத்தபோது ரஜினியையே பாலசந்தர் என்கிட்ட அனுப்பினார். ஆனால் 'ஏன் நீங்க அவர் படத்துக்கு இசையமைக்க மறுத்தீங்கன்னு' அவரும் என்கிட்ட கேட்கல. நானும் சொல்லல.
அவர் என் படத்துக்கு மியூசிக் பண்ணணும்னுதான் கேட்டார். பாலசந்தரே ரஜினிகிட்ட நடந்த விஷயங்களை சொல்லி என்கிட்ட அனுப்பியிருக்கலாம். இல்ல ரஜினியாவது கே.பி சாரை நான் பேச சொல்றேனு சொல்லியிருக்கலாம். எதுவும் நடக்கல. அதனாலதான் ரஜினி கேட்டும்கூட நான் அந்த படத்துக்கு மியூசிக் பண்ணல. இதுதான் காரணம்."
ஜீவா நடிக்கும் ‘யான்' படத்தில் கடல் கதாநாயகி துளசி ஜோடி சேரப்போவதாக தகவல்கள் வெளியாகியுள்ளன.
மணிரத்னம் இயக்கும் கடல் படத்தில் கார்த்திக் மகன் கவுதமும், ராதாவின் இரண்டாவது மகள் துளசியும் நடித்து வருகின்றனர். திரை உலகில் எதிர்பார்ப்பை ஏற்படுத்தியுள்ள இந்த ஜோடியின் புகைப்படங்களை வெளியிடுவதற்குக் கூட மணிரத்னம் தடை விதித்துள்ளார். இந்த நிலையில் துளசி அடுத்ததாக ஜீவா உடன் நடிக்க ஒப்பந்தம் செய்யப்பட்டிருப்பதாக தகவல்கள் வெளியாகியுள்ளன.
'யான்' திரைப்படத்தை ஆஸ்.எஸ். இன்போடெயின்மென்ட் நிறுவனம் தயாரிக்கிறது. விண்ணைத்தாண்டி வருவாயா, கோ, முப்பொழுதும் உன் கற்பனைகள் உள்ளிட்ட படங்களை தயாரித்த இந்நிறுவனம் ஜீவாவின் அடுத்த படத்தை தயாரிக்கின்றனர். ‘யான்' என்று பெயரிடப்பட்டுள்ள இந்த படத்தை ஒளிப்பதிவாளர் ரவி கே. சந்திரன் இயக்குகிறார். இந்த படத்தின் முதற்கட்ட பேச்சுவார்த்தைகள் முடிவடைந்துள்ளன. கடல் படத்தில் துளசி பிஸியாக இருப்பதால் அது முடிந்த உடன் யான் படத்தில் துளசி நடிப்பார் என்று கூறப்படுகிறது.
ஏற்கனவோ கோ படத்தில் கார்த்திகாவுடன் இணைந்து நடித்தார் ஜீவா. ராதாவின் மூத்த மகள்தான் கார்த்திகா. இந்த நிலையில் அடுத்து கார்த்திகாவின் தங்கச்சியுடன் இணையப் போகிறார் ஜீவா. இதன் மூலம் நீண்ட இடைவெளிக்குப் பிறகு அக்கா, தங்கச்சி நடிகைகளுடன் இணையும் நடிகர் என்ற பெயர் ஜீவாவுக்கு கிடைக்கவுள்ளது.
ஒரு காலத்தில் ராதாவும், அவரது அக்கா அம்பிகாவும் இணைந்து தமிழ் ஹீரோக்களை கலக்கி வந்தனர். ரஜினி, கமல் உள்ளிட்டோர் இவர்கள் இருவருடனும் மாறி மாறி நடித்துள்ளனர். மேலும் ஒரே படத்தில் இந்த இரு ஹீரோயின்களுடனும் இணைந்தும் நடித்துள்ளனர் என்பது நினைவிருக்கலாம்.
பூங்காற்று திரும்புதோ....??
இனிமே நான் அவருக்கு சிபாரிசு செய்யமாட்டேன் என்று களவாணி நாயகன் பேட்டி கொடுப்பது. யாருடைய சிபாரிசும் எனக்குத் தேவையில்லை என்று ஒவிய நாயகி கடுப்படிப்பதும் ஊடகங்களில் உலாவரும் செய்தி. ஆனால் ஆப் தி ரிகார்டாக நாயகனும், நாயகியும் காதல் தீயில் சிக்கித் தவிக்கின்றனராம்.
மூன்றாவது முறையாக சில்லுனு சந்திக்கும் இந்த ஜோடியின் செல்போன் காதலால் கடுப்பாகியிருக்கிறாராம் நாயகனின் உண்மையான நாயகி. இனிமேலும் இது தொடர்ந்தால் டைவர்ஸ்தான் என்று கோபம் காட்டினாலும் அதைப்பற்றி கவலைப்படாமல் தங்கள் நெருக்கத்தை 'களவாணித்தனமாக' தொடர்கின்றனராம் இந்த ஜோடி.
எத்தனாக நடித்தவருக்கு ஏமாற்றுவது பெரிய விசயமா என்று நமட்டுச் சிரிப்பு சிரிக்கின்றனர் கோலிவுட் வட்டாரத்தில்.
என்னுடைய ஒவ்வொரு வளர்ச்சியிலும் என்னுடைய ஆசிரியர்களுக்கு மிக முக்கிய பங்குள்ளது என்று இயக்குநரும் நடிகருமான சமுத்திரக்கனி கூறியுள்ளார். ஜெயா டிவியில் என் திரைப்பயணம் நிகழ்ச்சியில் பேசிய அவர், தன்னை செதுக்கிய ஆசிரியர்களுக்கு நன்றி தெரிவித்துக்கொண்டார்.
ஜெயா தொலைக்காட்சியில் ஞாயிறு இரவு 9 மணிக்கு என் திரைப்பயணம் நிகழ்ச்சி ஒளிபரப்பாகிறது. இந்த நிகழ்ச்சியில் திரைப்படத்துறையில் வெற்றி பெற்ற இயக்குநர்கள், நடிகர்கள் பங்கேற்று தங்களில் திரை உலக அனுபவங்களை பகிர்ந்து கொள்கின்றனர். இந்தவாரம் இயக்குநரும் நடிகருமான சமுத்திரகனி பங்கேற்று தனது அனுபவங்களை பேசினார்.
7ம் வகுப்பு படிக்கும் போது ஆங்கில வீட்டுப்பாட நோட்டில் கதை எழுதி வைத்ததை கூறிய சமுத்திரகனி அதனைக் கண்டு ஆசிரியர் தம்மை திட்டவோ அடிக்கவோ இல்லை. அதற்குப் பதிலாக அந்த கதையை எல்லோருக்கும் படித்து காட்டச் சொன்னார். அன்றைக்கு மட்டும் அந்த ஆசிரியர் தனக்கு தண்டனை கொடுத்திருந்தால் தன்னால் சிறந்த கதை ஆசிரியராக வளர்ந்திருக்க முடியாது என்றார்.
உன்னைச் சரணடைந்தேன் படத்திற்கு சிறந்த கதாசிரியர் விருது கிடைக்க இந்த சம்பவம் ஒரு காரணமாக அமைந்தது என்றார். ‘சாட்டை' படத்தில் ஆசிரியர் வேடம் ஏற்று நடிக்க காரணம் தன்னுடைய ஆசிரியர்கள்தான் என்று கூறிய சமுத்திரகனி ஒன்றாம் வகுப்பு முதல் கல்லூரி காலம் வரை தனக்கு பாடம் நடத்திய ஆசிரியர்களின் பெயர்களை கூறினார்.
இன்றைக்கும் தன்னுடைய ஆசிரியர்கள் சிறந்த நண்பர்களாக, வழிகாட்டிகளாக இருப்பதாக கூறிய சமுத்திரகனி தான் இயக்கிய நாடோடிகள் திரைப்படத்தில் இரண்டு ஆசிரியர்களை நடிக்க வைத்திருப்பதை நினைவு கூர்ந்தார்.
ஒவ்வொருவருக்கும் ஒவ்வொருவர் ரோல்மாடலாக இருப்பார்கள். தன்னுடைய ஆசிரியர்கள்தான் தன்னுடைய ரோல்மாடல். அவர்கள்தான் தன்னை செதுக்கினார்கள் என்று மகிழ்ச்சியோடு தெரிவித்தார் சமுத்திரகனி.
விவாத நிகழ்ச்சி என்றாலே நிகழ்ச்சி தொகுப்பாளரை விட பங்கேற்பாளர்தான் அதிகம் பேசவேண்டும். ஆனால் சில நிகழ்ச்சிகளில் பங்கேற்பாளரை விட நிகழ்ச்சி தொகுப்பாளர்கள்தான் அதிகம் பேசுகின்றனர்.
‘நீயா நானா' நிகழ்ச்சியில் 20க்கும் மேற்பட்ட பங்கேற்பாளர்கள் இருந்தாலும் அவர்கள் பேசுவதை விட தொகுப்பாளர் கோபிநாத்தான் அதிகம் பேசுகிறார் என்கின்றனர் விமர்ச்சகர்கள்.
இந்தவாரம் உறவுகளுக்குள் திருமணம் செய்யலாமா கூடாதா என்பது பற்றி விவாதம் நடைபெற்றது. அத்தைப் பெண்ணையோ, மாமன் மகனையோ திருமணம் செய்வதை ஏன் விரும்புகின்றனர். அந்நியத்திற்குள் திருமணம் செய்வதை ஏன் தவிர்க்கின்றனர் என்று கேள்வி எழுப்பினார் கோபிநாத்.
ஒவ்வொருவரும் அவரவர்களின் கருத்துக்களை முன் வைத்தனர். சொந்தங்களுக்குள் திருமணம் செய்வது பாதுகாப்பானது என்ற கோணத்திலேயே பேசினார்கள் ஒரு சாரார். அதற்கு கோபிநாத், எத்தனையோ வீடுகளில் அந்நியத்தில் இருந்து வந்த பெண் மகள் போல நடந்து கொள்வதும், சொந்தத்தில் திருமணம் செய்த பெண் குடும்பத்தை பிரிப்பதும் நடந்து கொண்டுதான் இருக்கிறது என்று கூறினார் கோபி. இந்த இடத்தில்தான் பங்கேற்பாளர்களின் கருத்துக்களை சரியாக கூட கூறவிடாமல் தொகுப்பாளரான கோபிநாத் அதிகம் பேசினார். அது தவிர ஒருவர் கருத்துக்களை கூறும் முன்பாக வேற... வேற... என்று கூறி டைவர்ட் செய்வதும் நடந்தது.
சொந்தங்களுக்குள் திருமணம் செய்வதன் மூலம் வெளி வட்டார பழக்க வழக்கம் தடுக்கிறது. மரியதை கிடைக்காது. பரம்பரை பகையா மாற வாய்ப்புள்ளது எனவே நெருங்கிய உறவுக்குள் திருமணம் கூடாது என்ற கருத்துக்கள் முன்வைக்கப்பட்டன. இது சாதிய சிந்தனை என்றும் கலப்புத்திருமணங்கள் ஏற்படுவதை தடுக்கிறது என்றும் கூறினார்கள்.
நெருங்கிய உறவுக்குள் திருமணம் செய்வது அழகானது. ஒரு பாதுகாப்பு உணர்வு கிடைக்கும். சொந்தமும் சொத்தும் விட்டுப்போகாது என்று கூறினார்கள் சொந்தங்களுக்குள் திருமணம் செய்தவர்கள்.
இந்த நிகழ்ச்சியில் எழுத்தாளர் வேல. ராமமூர்த்தி, எழுத்தாளர் ராஜேந்திர சோழன், டாக்டர் கமலா செல்வராஜ், உள்ளிட்ட பல சிறப்பு அழைப்பாளர்கள் பங்கேற்று தங்களின் கருத்துக்களை தெரிவித்தனர்.
உறவுகளுக்குள் திருமணம் செய்வது விபரீதம். ஆளுமையற்ற குழந்தைகளை உருவாக்கும், தலைமுறையை பாதிக்கும். குழந்தைகள் அசாதாரணமான நிகழ்வுகளோடு இருக்கும்.எதிர்கால தலைமுறையை பலவீனமானதாக இருக்கும் என்றார் எழுத்தாளர் ராஜேந்திர சோழன்.
ஆனால் சொந்தக்களுக்குள் திருமணம் செய்வது காலம் காலமாக நடைமுறையில் இருக்கிறது. பாரம்பரியத்தை உடைக்கவேண்டாம் என்றார் வேல. ராமமூர்த்தி
உறவுகளுக்குள் திருமணம் செய்வதால் மரபணு ரீதியான பிரச்சினையைத்தான் தரும் என்றார் நிகழ்ச்சியில் பங்கேற்ற மருத்துவர் ஹெப்சிபா. டாக்டர் கமலா செல்வராஜ். சொந்தத்தில் திருமணம் செய்வதால் என்னென்ன சிக்கல்கள் ஏற்படுகின்றன என்று கூறினார். எத்தனையோ கண்ணீர் கதைகள் உள்ளன என்றார்.
இளங்கோ கல்லானை சமூக பார்வையாளர் எழுத்தாளர், மரபணு மாற்றத்தினாலும், அறிவியல் ரீதியாகவும் கூட சில தவறுகள் நிகழ்ந்திருக்கின்றன என்ற கருத்தை முன்வைத்தார்.
நிகழ்ச்சி சுவாரஸ்யமாக போகும் போதே பிரேக் விடும் கோபிநாத், அனல் பறக்கும் இந்த விவாதம் பற்றி பேசலாம் இன்னும் ஒரு சிறிய இடைவேளைக்குப்பிறகு என்று சொன்னாலும் நேற்றைய நிகழ்ச்சியில் பங்கேற்பாளர்களை விட கோபிநாத்தான் அதிகம் பேசினார் என்கின்றனர் நிகழ்ச்சியை பார்த்த ரசிகர்கள்.
எனவே கோபிநாத் நீங்க அதிகமா பேசுறதை விட கொஞ்சம் பங்கேற்பாளர்களையும் பேச விடுங்களேன் என்பது நேயர்களின் கோரிக்கையாக இருக்கிறது.
சென்னை: பாலிவுட்டின் சாதனை நடிகர் அமிதாப் பச்சனின் 70வது பிறந்த நாள் விழாவில் குடும்பத்துடன் பங்கேற்கிறார் சூப்பர் ஸ்டார் ரஜினிகாந்த்.
இந்திய சினிமாவின் 'ஐகான்' என்று புகழப்படுபவர், தன் சினிமா உலக குரு என சூப்பர் ஸ்டார் ரஜினியால் அழைக்கப்படுபவர் அமிதாப் பச்சன்.
வரும் அக்டோபர் 11-ம் தேதி அவருக்கு 70 வது பிறந்த நாள். இந்த பிறந்தநாளை மிகவும் பிரம்மாண்டமாக கொண்டாட திட்டமிட்டுள்ளார் அவரது மனைவியும் நடிகையும் பாராளுமன்ற எம்.பியுமான திருமதி ஜெயாபச்சன்.
மும்மை பிலிம் சிட்டியில் மிகப் பிரமாண்டமாக நடைபெறவிருக்கிறது இந்த விழா. பாலிவுட், கோலிவுட் மற்றும் இந்திய சினிமா உலகைச் சேர்ந்த முக்கிய பிரமுகர்கள் அனைவருக்குமே விழாவுக்கு அழைப்பு விடுத்துள்ளனர்.
குறிப்பாக இந்த விழாவில் சூப்பர் ஸ்டார் ரஜினிகாந்த் கலந்து கொள்வது உறுதியாகியுள்ளது. அவர் தன் குடும்பத்தினருடன் பங்கேற்கவிருக்கிறார்.
இரவு 8.30 மணிக்கு பிறந்த நாள் விழா தொடங்குகிறது. அனில் அம்பானி உள்பட ஆயிரத்துக்கும் மேற்பட்ட சிறப்பு விருந்தினர்கள் பங்கேற்க ஆட்டம், பாட்டம், விருந்து என பெரும் விழாவாக நடக்கவிருக்கிறது.
