2/3/2011 12:07:51 PM
விஜய் இயக்கத்தில் விக்ரம் நடிக்கும் 'தெய்வமகன்' படத்தில் அனுஷ்கா, அமலா பால் நடிக்கின்றனர். இரண்டு ஹீரோயின் சப்ஜெக்டான இதில் நடிப்பது பற்றி அமலா கூறியது: அனுஷ்காவுடன் நடிக்க பயமா என்று ஏன் கேட்கிறார்கள் தெரியவில்லை. எனக்கு எந்த பயமும் இல்லை. நான் ரொம்பவும் எளிதாக யாரிடமும் பழகிவிடுவேன். நடிக்க வருவதற்கு முன்பே எனக்கு நிறைய தோழிகள் உண்டு. கேரளாவில் இருக்கும்போது வீட்டில் இருப்பதைவிட 24 மணி நேரமும் தோழிகளுடன் சுற்றுவதுதான் வேலை. நேரம் கிடைக்கும் போதெல்லாம் தோழிகளை அழைத்து வீட்டிலேயே பார்ட்டி கொடுப்பேன். சமீபத்தில் 'தெய்வமகன்' பட குழுவினருக்கு விக்ரம் பார்ட்டி கொடுத்தார். நானும் கலந்துகொண்டேன். அதேபோல் நானும் பட குழுவினருக்கு பார்ட்டி கொடுத்தேன்.
