சென்னை: சூப்பர் ஸ்டார் ரஜினிகாந்த வரும் 10ம் தேதி சீனாவுக்கு கிளம்புகிறாராம்.
ரஜினிகாந்த் உடல் நலக்குறைவு காரணமாக சிங்கப்பூர் சென்று சிகிச்சை பெற்று வந்த பிறகு எங்கும் பயணம் செய்யாமல் உள்ளார். வெளிவரும் படங்களை கூட தனது வீட்டில் உள்ள ஹோம் தியேட்டரில் பார்த்து வருகிறார்.
சென்னையில் நடக்கும் நிகழ்ச்சிகளில் மட்டும் தான் பங்கேற்கிறார். முடிந்த அளவுக்கு அவர் ஓய்வில் உள்ளார். இந்நிலையில் கடந்த வாரம் மோகன்லாலின் சென்னை ஈஞ்சம்பாக்கம் வீட்டில் நடந்த பார்ட்டிக்கு சென்றார்.
இந்நிலையில் ரஜினி வரும் பிப்ரவரி மாதம் 10ம் தேதி சீனாவுக்கு ரகசிய பயணம் செய்வதாக தகவல்கள் கிடைத்துள்ளது. அவர் சீனாவுக்கு எதற்கு செல்கிறார் என்று தெரியவில்லை. கோச்சடையான் வேலையாக அவர் சீனா செல்வதாகக் கூறப்படுகிறது.
