கிபிஷேக் பிலிம்ஸ் சார்பாக பாலிவுட் சண்டை இயக்குனர் டினு வர்மா தயாரித்து இயக்கியிருக்கும் படம், 'காட்டுப்புலி'. அர்ஜுன், பியங்கா தேசாய், ராஜ் நீஸ், சாயாலி பகத், அமீத், ஹனயா, ஜாஹன், ஜெனிபர் உட்பட பலர் நடித்துள்ளனர். புனிதமான துறையாகக் கருதப்படும் மருத்துவத்துறையில் நுழையும் புல்லுருவிகளால் சமூகத்துக்கு எவ்வளவு பெரிய ஆபத்து ஏற்படுகிறது என்பது இப்படத்தின் கதை. தனது மனைவி குழந்தையுடன் காட்டுக்குள் சிக்கிக் கொள்ளும் டாக்டர் அர்ஜுனுக்கு உதவி செய்ய வரும் மூன்று ஜோடிகள், அதைத் தொடர்ந்து ஏற்படும் பரபரப்பான சம்பவங்கள், கொலைகள், அதிலிருந்து எப்படி மீள்கிறார்கள் என்பது படம். இதில் ஜாஹன், ஜெனிபர் நடித்துள்ள முத்தக்காட்சிக்கு சென்சார் 14 கட் கொடுத்துள்ளனர். வரும் 17ம் தேதி தமிழ், தெலுங்கு, இந்தி மொழிகளில் படம் ரிலீஸ் ஆகிறது.
