இந்தி வாய்ப்பை மறுத்தார் நரேன்

இந்தி வாய்ப்பை மறுத்தார் நரேன்

2/16/2011 3:01:12 PM

நிருபர்களிடம் நரேன் கூறியதாவது: தற்போது வெளிவந்துள்ள 'தம்பிக்கோட்டை' எனக்கு முக்கியமான படம். இந்தப் படத்துக்காக வேறெந்த படத்திலும் நடிக்காமல் காத்திருந்தேன். அதற்கான பலன் கிடைத்திருக்கிறது. ஆக்ஷன் படங்கள் மட்டுமல்லாது, காதல் படங்களிலும் நடிப்பேன். கெட்அப் மாற்றி நடிக்கும் யோசனை எதுவும் இப்போது இல்லை. மக்கள் மனதில் பதியும் இரண்டு வெற்றிப் படங்களை தந்துவிட்டு பிறகுதான் வித்தியாசமான முயற்சிகளை மேற்கொள்வேன். இரண்டு இந்திப் பட வாய்ப்புகள் வந்தது. தமிழில் வெற்றிபெறாமல் இந்திக்குப் போனால் உரிய மரியாதை கிடைக்காது என்பதால் மறுத்துவிட்டேன்.

Source: Dinakaran

Read more »

கிளாமர் இல்லாமலும் ஜெயிக்கலாம் :மீரா நந்தன்

கிளாமர் இல்லாமலும் ஜெயிக்கலாம் : மீரா நந்தன்

2/16/2011 2:57:08 PM

மீரா நந்தன் நடித்த 'ஜெய் போலோ தெலுங்கானா' தெலுங்கு படம் ஹிட்டாகியுள்ளது. இது பற்றி அவர் கூறியதாவது: கிளாமராக நடித்தால்தான் தெலுங்கில் ஜெயிக்க முடியும் என்று சொன்னார்கள். அதனால் நானும் தெலுங்கில் நடிக்க பயந்ததுண்டு. ஆனால் 'ஜெய் போலோ தெலுங்கானா' படத்தில் கிளாமர் இல்லை. கல்லூரி மாணவியாக நடித்தேன். பிற்பகுதியில் புரட்சிக்கார பெண்ணாக மாறும் கேரக்டர். துளி கிளாமர் இல்லாமலும் ஜெயிக்க முடியும் என்பதை படம் நிரூபித்திருக்கிறது. மலையாளத்தில் கமர்சியல் படங்களில் நடித்தாலும் 'யாத்ரா தொடருன்னு' என்ற ஆர்ட் படத்திலும் நடிக்கிறேன். டி.வி.சந்திரன் இயக்கும் ஆர்ட் படத்திலும் நடிக்கிறேன். கமர்சியல் படங்களில் நடித்தாலும் ஆர்ட் படத்தில் நடிக்கும்போதுதான் நிறைவு கிடைக்கிறது.

Source: Dinakaran

Read more »

ஹீரோயின் ஆகிறார் கமலின் இளைய மகள்

ஹீரோயின் ஆகிறார் கமலின் இளைய மகள்

2/16/2011 3:04:05 PM

கமல்ஹாசனின் இளைய மகள் அக்ஷராவும் ஹீரோயின் ஆக இருப்பதாக மும்பை வட்டாரங்கள் தெரிவித்துள்ளன. கமல்ஹாசன், சரிகாவுக்கு ஸ்ருதி, அக்ஷரா என இரண்டு மகள்கள். மூத்தவரான ஸ்ருதிஹாசன், இந்தி, தமிழ், தெலுங்கில் நடித்து வருகிறார். இளையவர் அக்ஷரா இயக்குனராகும் ஆசையில் இருந்தாராம். இதற்காக சில இயக்குனர்களிடம் அவர் பணியாற்றி வந்தார். மும்பையில் சரிகாவுடன் வசிக்கும் அக்ஷரா, இப்போது இந்தி படத்தில் ஹீரோயின் ஆகிறார் என்று கூறப்படுகிறது.

Source: Dinakaran

Read more »

கவர்ச்சி நடிகையை பார்க்க மக்கள் கூடியதால் பரபரப்பு

கவர்ச்சி நடிகையை பார்க்க மக்கள் கூடியதால் பரபரப்பு

2/16/2011 3:43:55 PM

சமீபகாலமாக மலையாள படங்களில் கவர்ச்சி நடிகைகளுக்கு பஞ்சம் ஏற்பட்டது. அதை போக்க வந்திருக்கிறார் சுவேதா மேனன். காண்டம் விளம்பரத்தில் நடித்து பரபரப்பை ஏற்படுத்தியவர். தற்போது 'ரதி நிர்வேதம்Õ என்ற படத்தில் நடிக்கிறார். சமீபத்தில் அவர் அளித்த பேட்டியில், 'Ôரதி நிர்வேதம்Õ படம் டாப் நடிகர்களின் வசூலை மிஞ்சும். நான் எங்கு போனாலும் ரசிகர்கள் இப்படம் பற்றிதான் கேட்கிறார்கள்.

ரிலீசுக்கு முன் ஷூட்டிங் நடக்கும்போதே அதைப் பார்க்க டிக்கெட் போட்டு ரசிகர்களை அனுமதித்தால் நல்ல வசூல் கிடைக்கும்ÕÕ என்றார்.
இதன் ஷூட்டிங் சமீபத்தில் கேரளாவில் மாவேலிகராவில் தொடங்கியது. சுவேதா நடித்த கிளாமர் காட்சிகள் படமாக்கப்பட்டது. சுவேதா வந்திருக்கிறார் என தகவல் ஊருக்குள் பரவியது. அடுத்த சில நிமிடங்களில் ஊர் மக்களும், அக்கம் பக்கத்து ஊர்களில் இருந்தும் மக்கள் திரண்டனர். ஒரு கட்டத்தில் சுவேதாவை பார்க்க கூட்டம் முண்டியடித்தது. இதனால் தள்ளுமுள்ளு ஏற்பட்டதாம். ஷூட்டிங் நடத்த முடியாத சூழல் ஏற்பட்டது. உடனே போலீசுக்கு தகவல் கொடுக்கப்பட்டது. போலீசார் விரைந்து வந்து லேசான தடியடி நடத்தி கூட்டத்தை கட்டுப்படுத்தினர். அதன்பிறகே ஷூட்டிங் நடந்தது.

Source: Dinakaran

Read more »

தெலுங்கில் பிரீத்திகா

தெலுங்கில் பிரீத்திகா

2/16/2011 3:27:32 PM

தமிழில் 'சிக்கு புக்கு' படத்தில் ஹீரோயினாக அறிமுகமானவர் பிரீத்திகா ராவ். இந்தி நடிகை அம்ரிதா ராவின் தங்கை. இவர், இப்போது தெலுங்கு படத்தில் நடிக்கிறார். இதுபற்றி பிரீத்திகா கூறியதாவது: தெலுங்கில் வருண்சந்தோஷ் ஜோடியாக புதிய படத்தில் நடிக்கிறேன். யு.கே.அவென்யூஸ் சார்பில் பி.உதயகிரண் தயாரிக்கிறார். இது காதல் கதை என்றாலும் ஹீரோயினுக்கு முக்கியத்துவம் உள்ள கேரக்டர். ஷ்ரவான் இயக்குகிறார். சமீபத்தில் போட்டோஷூட் நடந்தது. எங்கள் ஜோடி கண்டிப்பாகப் பேசப்படும் என நினைக்கிறேன். இதையடுத்து தமிழில் நடிக்க பேச்சுவார்த்தை நடந்து வருகிறது. இவ்வாறு பிரீத்திகா கூறினார்.

Source: Dinakaran

Read more »

விடுமுறையில் நடிக்கும் காயத்ரி

விடுமுறையில் நடிக்கும் காயத்ரி

2/16/2011 3:29:09 PM

'18 வயசு', 'ஏன் இப்படி மயக்கினாய்?' படங்களில் நடிக்கும் காயத்ரி கூறியதாவது: பெங்களூரில் பி.ஏ படிக்கிறேன். ஷூட்டிங் இருந்தால், விடுமுறை எடுத்துக் கொண்டு நடிக்க அனுமதி தந்துள்ளனர். சமீபத்தில் நடந்த தேர்வில், 75 சதவீத மதிப்பெண் வாங்கினேன். அடுத்த ஆண்டு படிப்பு முடிந்தவுடன், சென்னையில் நிரந்தரமாக குடியேறுவேன். கவிஞர் கண்ணதாசனின் பேரன் ஆதவ் ஜோடியாக 'பொன்மாலைப் பொழுது' படத்திலும் ஹீரோயினாக நடிக்கிறேன். நிறைய ஹீரோயின்கள் நடிக்கிறார்கள். அவர்களில் இருந்து வித்தியாசப்பட நினைக்கிறேன்.

Source: Dinakaran

Read more »

பட்டாபட்டி பெயர் மாற்றம்

பட்டாபட்டி பெயர் மாற்றம்

2/16/2011 3:31:03 PM

'பட்டாபட்டி' படத்தின் பெயர் 'போட்டா போட்டி' என்று மாறியதாக அதன் இயக்குனர் யுவராஜ் கூறினார். அவர் மேலும் கூறியதாவது: கிரிக்கெட் வீரர் சடகோபன் ரமேஷ், ஹரிணி ஜோடியாக நடிக்கும் படம் இது. கிராமத்து கிரிக்கெட் போட்டியை மையமாக கொண்ட கதை. அதனால் நகர்புறத்து கதை என்ற இமேஜ் வந்து விடாமல் இருக்க, 'பட்டாபட்டி' என்று பெயர் வைத்தோம். ஆனால். இந்த சொல்லை தமிழ் பெயராக அரசு அங்கீகரிக்கவில்லை. அதனால் 'போட்டா போட்டி' என்று மாற்றி உள்ளோம். மார்ச் மாதம் ரிலீஸ் ஆகிறது.

Source: Dinakaran

Read more »

கிசு கிசு -சண்டை சங்கத்துல பிரச்னை

சண்டை சங்கத்துல பிரச்னை

2/16/2011 3:46:05 PM

நல்ல காலம் பொறக்குது…
நல்ல காலம் பொறக்குது…

உலக கோப்பை கிரிக்கெட் சீசன் வர்றதால கோலிவுட் கலக்கத்துல இருக்காம்… இருக்காம்… சில படங்கள் ரிலீசுக்கு தயாராயிருந்தாலும் அதை பெட்டில பூட்டி வைக்கலாமானு யோசிக்கிறாங்களாம்… யோசிக்கிறாங்களாம்…

அபி படத்துல நடிச்ச கணேச நடிகருக்கு சைடு ஹீரோ ரோல்தான் வருதாம்… வருதாம்… இதனால கொஞ்ச படங்களை மறுத்தவருக்கு அந்த வாய்ப்பும் நின்னு போச்சாம். இப்போ வேற லாங்குவேஜ்ல முயற்சி பண்ணினாரு. இதுல மலையாளம், இந்தி பட வாய்ப்பு கிடைச்சிருக்காம். ஆனா அங்கேயும் சைடு ஹீரோ ரோல்தானாம்… ரோல்தானாம்…

சண்டை நடிகருங்க டயலாக் பேசி நடிச்சா, அதுக்காக ஸ்டன்ட் சங்கத்துக்கு தனியா பணம் கட்டணுமாம்… கட்டணுமாம்… அதனாலயே பல படங்கள்ல அவங்க பேசுற சீன் இருந்தாலும் கட்டணம் கட்டாததால படத்துலேருந்து அந்த வசனத்தை கட் பண்றாங்களாம்… பண்றாங்களாம்… இதுக்கு கட்டணம் வசூலிக்கக் கூடாதுனு சங்கத்துல குரல் எழுப்புறாங்களாம்… எழுப்புறாங்களாம்…

Source: Dinakaran

Read more »

படம் இயக்கும் அனன்யா!

படம் இயக்கும் அனன்யா!

2/16/2011 3:52:40 PM

நாடோடிகள் படத்தில் அறிமுகமான அனன்யா சீடன் படத்தின் ரிலீசுக்காக காத்திருக்கிறார். சமீபத்தில் 'சீடன்' படத்தை பார்த்த அனன்யா, இயக்குனர் சுப்ரமணியம் சிவாவின் காலை தொட்டு வாழ்த்துபெற்றபடி 'இனிமேல் இப்படியொரு வேடம் கிடைக்குமான்னு தெரியாது' என்றாராம். அனன்யா பற்றி இன்னொரு சுவாரசியமான தகவல் வெளியாகியுள்ளன. அனன்யா நடிக்க வருவதற்கு முன்பு மலையாள இயக்குனர்களிடம் உதவி இயக்குனராக பணியாற்றியவர், சில வருடங்களுக்கு பிறகு அவரே படம் இயக்க முடிவு செய்துள்ளார்.

Source: Dinakaran

Read more »

அண்ணன் மகளை கோயமுத்தூருக்கு அழைத்து செல்லும் கார்த்தி!

அண்ணன் மகளை கோயமுத்தூருக்கு அழைத்து செல்லும் கார்த்தி!

2/16/2011 3:56:30 PM

கார்த்தியின் சிறுத்தை படம் வெற்றி பெற்றதை தொடர்ந்து, அடுத்த படத்திற்கான கதை தேர்வில் இருக்கிறார். வீட்டில் இருக்கும் போது தனது அண்ணன் சூர்யாவின் மகளுடன் விளையாடி பொழுதை கழிக்கும் கார்த்தி விரைவில் தனது சொந்த ஊரான கோயமுத்தூருக்கு அழைத்து சென்று, ஊரை சுற்றிக் காட்ட உள்ளாராம் கார்த்தி.

Source: Dinakaran

Read more »

ரஜினி-கமலை இயக்க வேண்டும் : கௌதம் மேனன்!

ரஜினி-கமலை இயக்க வேண்டும் : கௌதம் மேனன்!
2/15/2011 3:48:30 PM

பொதுவாக எல்லா இயக்குனர்களுக்கும் ரஜினி கமலை இயக்க வேண்டும் என்ற ஆசை இருக்கும். ஆனால் கௌதம் மேனனிற்கு இருவரையும் ஒரே படத்தில் இயக்க வேண்டும் என்பது அவரது மிகப் பெரிய ஆசையாம். தமிழ் திரையலகின் முன்னணி இயக்குனராக திகழ்ந்து வரும் கௌதம் வாசுதேவ் மேனன் தனது அடுத்த படமான நடுநிசி நாய்கள் படத்தின் விளம்பர வேலைகளில் மிகத் தீவிரமாக உள்ளார். சூப்பர் ஸ்டார் ரஜினியை இயக்க ஆசை இருக்கிறதா என்று கேள்விக்கு ரஜினிகாந்த், கமல்ஹாசன் ஆகிய இருவரையும் வைத்து ஒரு படம் இயக்க வேண்டும் என்ற ஆசை இருக்கிறது. நடக்குமா தெரியவில்லை என்று கௌதம் மேனன் கூறினார்.

Source: Dinakaran

Read more »