சென்னை: ஏ.ஆர்.ரகுமான் சிறந்த இசை அமைப்பாளர். ஆனால், அவர் இசையில் பாடல் வரிகளை கேட்க முடியவில்லை என்றார் கிரிஷ் கர்னாட். இதற்கு ரகுமான் ரசிகர்கள் கண்டனம் தெரிவித்துள்ளனர். தமிழ், கன்னடம், தெலுங்கு உள்ளிட்ட பல்வேறு மொழிகளில் வில்லன் குணசித்ர வேடங்களில் நடித்திருப்பவர் கிரிஷ் கர்னாட். பல்வேறு படங்களுக்கு கதை, திரைக்கதை எழுதியதுடன் புத்தகங்களும் எழுதி இருக்கிறார். இவர் சமீபத்தில் ஏ.ஆர்.ரகுமானை விமர்சித்தார்.
மும்பையில் நடந்த விழா ஒன்றில் அவர் பேசும்போது,'ரகுமான் சிறந்த இசை அமைப்பாளர். அவரது இசை கோர்ப்பு அழகும், அதிக சக்தியுடனும் இருக்கும். ஆனால் கடைசியில் ஒன்று மட்டும் மிஸ்ஸாகிறது. அதுதான் பாடல் வரிகள்' என்றார். கிரிஷ் கர்னாடின் இந்த பேச்சு திரையுலகில் பரபரப்பை ஏற்படுத்தி உள்ளது. இதற்கிடையில் அவரது பேச்சை கேட்ட ஏ.ஆர்.ரகுமானின் ரசிகர்கள் இணைய தளங்களில் கிரிஷ் கர்னாடுக்கு கண்டனம் தெரிவித்துள்ளனர். 'ரகுமான் எப்போதுமே பாடல் வரிகளுக்கு முக்கியத்துவம் தருபவர். இது எப்படி கிரிஷ் கர்னாடுக்கு தெரியாமல்போனது' என்று கோபத்தை வெளிப்படுத்தி உள்ளனர்.
சென்னை: 'ஒரு படம் மட்டுமே இயக்கிய எனக்கு அப்பா ரஜினியை இயக்க அனுபவம் போதாது' என்று மகள் ஐஸ்வர்யா கூறினார். தனுஷ் நடித்த '3' படத்தை இயக்கியதுடன், செல்வராகவனிடம் உதவி இயக்குனராக பணிபுரிந்தவர் ஐஸ்வர்யா. இவர் கூறியதாவது: நான் ரஜினியின் மகளாக இருக்கலாம், தொழில் முறையில் அவர் நடிகர். எந்தவொரு படத்தில் நடிப்பதாக இருந்தாலும் முதலில் அவர் அதை ஏற்க வேண்டும். 'ரஜினியை வைத்து படம் இயக்குகிறீர்களா?' என்கிறார்கள். அவருடன் பணியாற்றுவதற்கு நான் இன்னும் தயாராகவில்லை. ஒரு படம்தான் இயக்கி இருக்கிறேன். வீட்டில் இருக்கிறார். கால்ஷீட் ப்ரியாக வைத்திருக்கிறார் என்பதால் அவர் என்னுடன் பணியாற்றுவார் என்று கூற முடியாது. சினிமாவை பொறுத்தவரை சிறந்தது எதுவென்றால் காத்திருப்பதுதான். 
சென்னை: புதுமுக நடிகர் அக்ஷய் எழுதி இயக்கி நடிக்கும் படம் 'உனக்கு 20 எனக்கு 40'. ஷாலினி, அம்ருதா ஹீரோயின். இப்படம் பற்றி அக்ஷய் கூறியதாவது: ஷாலினி, அம்ருதா இருவரும் ஒரே கல்லூரியில் படிக்கும் தோழிகள். ஷாலினியின் வீட்டுக்கு அம்ருதா வருகிறார். அப்போது ஷாலினியின் தந்தை மீது காதல் கொள்கிறார். இருவரும் காதலிக்க தொடங்கியதும் பல்வேறு பிரச்னைகள் எழுகிறது. இதன் முடிவு என்ன என்பது கதை. இதில் சிங்கம்புலி, வையாபுரி, வடிவுக்கரசி உள்ளிட்ட பலர் நடித்துள்ளனர். பி.எஸ்.செல்வம் ஒளிப்பதிவு. ஜோய் மேக்ஸ்வெல் இசை. இதன் ஷூட்டிங் பொள்ளாச்சி, கொடைக்கானல், கோவா, சென்னை மற்றும் கேரளாவில் நடந்துள்ளது. 
நல்லகாலம் பொறக்குது... நல்லகாலம் பொறக்குது...
