அஜீத் படத்திற்கு 'கொலைவெறி' புகழ் அனிருத் இசை அமைக்க உள்ளதாக தகவல்கள் வெளியாகியுள்ளன.
அஜீத் இப்போது விஷ்ணுவர்த்தன் படத்தில் நடித்து வருகிறார். இந்த படத்தின் தலைப்பு இன்னும் வெளியிடப்படவில்லை. இதற்கு அடுத்ததாக சிறுத்தை சிவா இயக்கும் படத்தில் அஜீத் நடிக்கிறார். ‘வெற்றி கொண்டான்' என்று பெயரிடப்பட்டுள்ள இந்த படத்தை விஜயா வாஹினி நிறுவனம் தயாரிக்கிறது. அஜீத்துடன் முதன் முறையாக அனுஷ்கா ஜோடி சேர உள்ள இந்தப் படத்துக்கு இசையமைக்க தேர்வு செய்யப்பட்டவர் கொலவெறி புகழ் அனிருத் என்ற செய்தி வெளியாகியுள்ளது.
அஜீத்தின் சமீபகால படங்களுக்கு இசையமைத்து வருகிறவர் யுவன் ஷங்கர் ராஜா. ஒரு சேஞ்சுக்கு அனிருத்தை செலக்ட் செய்திருப்பதாக தெரிவிக்கிறார்கள். இந்த புது காம்பினேஷன் வொர்க் அவுட்டாகுமா என்று படத்தின் பாடல்களை கேட்டபின்னர்தான் தெரியும்.
