பொள்ளாச்சி அருகே நடிகை ஸ்ருதி ஹாசன் பங்கேற்கும் தெலுங்கு பட ஷூட்டிங் நடக்கிறது. இதற்காக போடப்பட்ட செட் எரிந்ததால் பரபரப்பு ஏற்பட்டது. கணேஷ் தயாரிப்பில், ஹரிஸ் சங்கர் இயக்கத்தில் உருவாகும் தெலுங்கு படம் 'கப¢பர் சிங்'. ஹீரோ பவன் கல்யாண், ஹீரோயின் ஸ்ருதி ஹாசன். கோவை மாவட்டம், பொள்ளாச்சி அடுத்த மாசேகவுண்டன்புதூரில் ஷூட்டிங் நடத்த, அக்டோபர் இறுதியில் ரூ.60 லட்சத்தில் போலீஸ் ஸ்டேஷன் போன்ற செட் அமைக்கப்பட்டது. டன் கணக்கில் மரங்கள், பிளைவுட் போன்றவற்றை பயன்படுத்தி, தத்ரூபமாக இந்த செட் உருவாக்கப்பட்டது. தொடர்மழையால் ஷூட்டிங் தள்ளிப்போனது. மழை ஓய்ந்த பிறகு கடந்த 12ம் தேதி துவங்கி 21ம் தேதி வரை ஷூட்டிங் தொடர்ந்து நடந்தது. இங்கு மட்டும¤ன்றி அருகில் உள்ள சேத்துமடை உள்ளிட்ட இடங்களிலும் ஷூட்டிங் நடந்தது. பவன் கல்யாண், ஸ்ருதிஹாசன் உள்பட ஏராளமான நடிகர், நடிகைகள் பங்கேற்று நடித்தனர். அடுத்தகட்ட ஷூட்டிங் ஜனவரி இறுதியில் நடத்த திட்டமிடப்பட்டிருந்தது. இந்நிலையில், நேற்றுமுன்தினம் நள்ளிரவு திடீரென செட்டில் தீப்பிடித்தது. பலத்த காற்று வீசியதால் தீ மளமளவென பரவி செட் முழுவதும் எரிந்து சாம்பலானது. இதனால் அப்பகுதியில் பரபரப்பு ஏற்பட்டது. படக்குழுவினர் அளித்த புகாரின்பேரில், ஆனைமலை போலீசார் விசாரிக்கின்றனர்.
